Хос эһэбэр сурук
Күндү хос эһэм Николай Герасимович, эн үтүө ааккар Бирибиэт. Биһиги үчүгэйдик олоробут, доруобуйа чааһа кэминэн. Эн сэриигэ сылдьан суруйбут суругун биһиэхэ үчүгэйдик, алдьаммакка хараллан сытар. Мэтээллэрин, мэтээллэрин удостоверениелара эмиэ бааллар.
Дьоммут бэйэ-бэйэни ытыктаһа, сыаналыы үөрэтэллэр, олоххо ситиһиилээх эбэлэрбитин, эһэлэрбитин, убайдарбытын, эдьиийдэрбитин куруук холобур тутан кэпсииллэр. Эһиги үтүө холобургутугар чиэһинэй, үлэһит, дьоҥҥо үтүө сыһыаннаах буолуу олоххо ситиһиини биэрэрин билэ улаатабыт. Биллэн туран, биһиги дьиэ кэргэҥҥэ инники күөҥҥэ сылдьар, холобур туттар үтүө киһибитинэн аан бастаан эн, сэрии уотун ортотунан ааспыт хос эһэм Николай Герасимович Новиков-2 буолаҕын.
Мин кылааһым оҕолоругар , кылаас чааска эн тускунан киэн тутта кэпсиибин.
Эһээ, эн олохтон туоруургар биир эрэ саастаах хаалбыт кыыһын Клара Николаевна Солдатова этэҥҥэ улаатан, ыал буолбута. Кэргэнин Анатолий Константиновиһы кытта сэттэ оҕону төрөтөн, атахтарыгар туруорбуттара.
Мин эбэм Клара Николаевна Эмис нэһилиэгин бастыҥ ыанньыксыта этэ. Эһэм Анатолий Константинович 40-тан тахса сыл тырахтарыыстабыт туруу үлэһит. Билигин дьиэтигэр олорор, 78 саастаах.
Мин аҕам Илья Анатольевич Солдатов биир бастыҥ үлэлээх тустуу тренерэ этэ. Эрдэ баҕайы олохтон туораабыта хомолтолоох. Эн курдук атын омуктары кытта тэҥҥэ аахсар сытыы-хотуу киһи этэ. Тустуук оҕолорун элбэх сирдэринэн илдьэ сылдьан күрэхтэһиннэрэр, дьарыктыыр оҕолоро үрдүк ситиһиилэнэллэрин туһугар Дагестан Республикатыгар Хасавюрт куоракка «Спартак» спортивнай лааҕырга 2006-2018 сылларга илдьэн дьарыктыыра. Билигин кини иитэн таһаарбыт уолаттара улахан тустууктар, спорт маастардара.
Эһээ, эн анараа дойдуга үчүгэйдик сырыт! Биһиги туспутугар долгуйума. Эн улахан олоҕу олорон ааспытын, биһиги эйэлээх олохпут туһугар, олох оҥоһуутун иннигэр хорсуннук сэриилэспитин. Мин эйиигинэн киэн туттабын уонна эн курдук күүстээх , хорсун, үтүө санаалаах буоларга дьулуһуом.
Дириҥ махталы кытта хос сиэниҥ, кыыһыҥ Солдатова (Новикова) Клара Николаевна сиэнэ, сиэниҥ Илья Анатольевич Солдатов оҕото
Өркөн Солдатов. Л.В.Киренскэй аатынан Амматааҕы лицей III кылааһын үөрэнээччитэ.
Амма, 27.04.2020 сыл.