Кулун тутар 3, 4 күннэригэр Сунтаар улууһун үөрэх тэрилтэлэрин тыйаатыр-устуудьуйаларыгар араадьыйанан испэктээк туруоруутугар көрүү-күрэх ыытылынна. Тэрээһини Сунтаар улууһун дьаһалтатын үөрэххэ салаатын саламтата уонна С.А.Зверев –Кыыл Уола аатынан норуот айымньытын Киинэ тэрийэн ыыттылар. Бырайыак сүрүн ааптара СӨ култууратын үтүөлээх үлэһитэ Юрий Дмитриевич О.
Күрэххэ барыта аҕыс тыйаатыр-устуудьуйаларыттан холбоон 78 оҕо оруолларга кытынна. 17 оскуола уонна култуура үлэһиттэрэ: араадьыйа испэктээги туруорааччылар, таҥааччылар, текст ааптардара, кылаас салайааччылара барытын тэрийэн, түмүгэр аҕыс араас хабааннаах араадьыйа-испэктээк иһилиннэ, дьүүллүүр сүбэ сыанабылын ылла. Көрүү-күрэх иккис күнүгэр Дьүүллүүр сүбэ бэрэссэдээтэлэ Г.А. Андреев бастыҥнары наҕараадалаата, грамоталары туттарда.
Маннык араадьыйа испэктээктэр бастыҥнарынан ааттаннылар:
“Бастыҥ араадьыйа-испэктээк” «Сэрии дуораана. Өкүлүүн кэпсээнэ» араадьыйа — испэктээкил, Түбэй орто оскуолата. «Мааска» тыйаатыр — устуудьуйа. Салайааччы Анастасия Прокопьевна Винокурова.
«Бастыҥ туруорааччы» А. Иванов-Күндэ «Туораах» кэпсээнинэн ,,Ыалдьыт» араадьыйа — испэктээкил, «Маскараат» тыйаатыр — устуудьуйа. А.П. Павлов аатынан Сунтаар орто оскуолата. Салайааччы Елена Афанасьевна Кокорева. Туруорааччы — режиссер Юрий Дмитриевич О.
«Бастыҥ дьахтар оруола — кыыс оҕо толоруута» Өкүлүүн оруола—толорооччу Виктория Денисова, VIII кылаас, «Сэрии дуораана. Өкүлүүн кэпсээнэ» араадьыйа- испэктээкил, Түбэй орто оскуолата, «Мааска» тыйаатыр-устуудьуйа. Салайааччы Анастасия Прокопьевна Винокурова.
«Бастыҥ эр киһи оруола — уол оҕо толоруута» Георгий Терешкин оруола—толорооччу Давид Заболоцкай, III «A» кылаас, «Үтүө киһи аата үйэлэргэ умнуллубат» араадьыйа-испэктээкил, В.Г. Павлов аатынан Сунтаар алын сүһүөх оскуолата, «Кустук» тыйаатыр — устуудьуйа, салайааччы Тамара Ильинична Герасимова.
«Бастыҥ иккис былаан эр киһи оруола—уол оҕо толоруута» Уйбаан дезертир оруола—толорооччу Валерий Данилов, Х кылаас. «Сэрии дуораана. Өкүлүүр кэпсээнэ» араадьыйа — испэктээкил, Түбэй орто оскуолата, «Мааска» тыйаатыр — устуудьуйа, салайааччы Анастасия Прокопьевна Винокурова.
«Бастыҥ иккис былаан дьахтар оруола—кыыс оҕо толоруута» «Өрүүнэ» оруола—толорооччу Олеся Яковлева, IX «В» кылаас, ыалдьыт оруола. Алексей Иванов Күндэ «Туораах кэпсээнинэн араадьыйа — испэктээкил. А.П.Павлов аатынан Сунтаар 1 №-дээх орто оскуолата, «Маскараат» тыйаатыр-устуудьуйа. Салайааччы Елена Афанасьевна Кокорева.
«Чаҕылхай оруол—кыыс оҕо толоруута» Чөрөс оруол иһин—толорооччу Настя Иванова, III кылаас, Иван Федосеев «Чэрэс уонна Чөрөс” остуоруйатынан араадьыйа — испэктээкил, Арыылаах Л. Попов аатынан агро хайысхалаах орто оскуолата, “Кэрэли” тыйаатыр — устуудьуйа. Салайааччы Фекла Ивановна Григорьева.
«Чаҕылхай оруол — уол оҕо толоруута» Туораах оруола—толорооччу Аврам Артемьев, V «А» кылаас, «Ыалдьыт» араадьыйа – испэктээк, А. Иванов-Күндэ ,,Туораах» кэпсээнинэн араадьыйа — испэктээк, “Маскараат” тыйаатыр — устуудьуйа. А.П. Павлов аатынан Сунтаар 1 №-дээх орто оскуолата, салайааччы Елена Афанасьевна Кокорева.
«Бастыҥ муусуканан киэргэтии» Уйгууна Иванова, Х кылаас, Маар-Күөл орто оскуолата, Х. Андерсен «Дикие лебеди» остуоруйатынан, “Дьиикэй хаастар” араадьыйа — испэктээкил, «Юные таланты» тыйаатыр-устуудьуйа, салайааччы Туйаара Валерьевна Эверстова.
Дьүүллүүр сүбэ анал бирииһэ «Ыытааччы» оруолун толорбут Юрий Борисовка, Х кылаас үөрэнээччитигэр ананна, Түбэй орто оскуолата, «Мааска» тыйаатыр-устуудьуйа, «Сэрии дуораана. Өкүлүүн кэпсээнэ» араадьыйа-испэктээкил, салайааччы Анастасия Прокопьевна Винокурова.
Дьүүллүүр сүбэҕэ үлэлээтилэр: Андреев Г.А., В. Николаев аатынан Сунтаардааҕы норуот тыйаатырын артыыһа – Бэрэссэдээтэл. Тарасов Е.Н., В. Николаев аатынан Сунтаардааҕы норуот тыйаатырын артыыһа, Кириллина А.Г., «Долгун» араадьыйа эрэдээктэрэ, Чирикова Е.Е., Сунтаар улууһун дьаһалтатын үөрэххэ салаатын исписэлииһэ, Иванов Г.В., Николаев аатынан Сунтаардааҕы норуот тыйаатырын артыыһа, Спирова М. Е., Сунтаардааҕы киин библиэтиэкэ сүрүн библиэтиэкэрэ.
Наҕарадалааһын кэнниттэн Юрий Дмитриевич О тыйаатыр-устуудьуйа салайааччыларыгар сэминээр ыытта. Кыттааччылар Түбэй орто оскуолатын “Мааска” тыйаатыр устуудьуйа салайааччыта А.П. Винокурова туруорбут, “Бастыҥ араадьыйа- испэктээкил” аатын ылбыт “Сэрии дуораана. Өкүлүүн кэпсээнэ” араадьыйа — испэктээги толору истэн баран, ырыттылар. Юрий Дмитриевич араадьыйа-испэктээк жанр быһыытынан туох уратылааҕын, хайдах тыаһы- ууһу киллэриэххэ сөбүн, тылын-өһүн “оҕо ааҕар буолбакка, манна оҕо оонньуохтаах”, диэн быһааран биэрдэ. Улууспут оскуолаларын тыйаатыр-устуудьуйалар салайааччылара санааларын үллэһиннилэр, туох ыарахаттар баалларын бэлиэтээтилэр. Муус устарга буолуохтаах «Алыптаах Мааска оҕолор-2026» испэктээккэ көрүү-күрэххэ хайдах тиэмэҕэ репертуар талалларын ырыттылар.
Юрий Дмитриевич «Алыптаах мааска. Оҕолор» театральнай көрүү- күрэҕи ыытарга көмөлөспүт Сунтаар улууһун дьаһалтатын үөрэххэ салаатын саламтатыгар Б.Н. Васильевка уонна С.А. Зверев – Кыыл Уола аатынан норуот айымньытын киинигэр, дириэктэр А.Д. Седалищевка барҕа махталын тириэрдэр. Кэлэр көлүөнэни иитиигэ, үөрэтиигэ, сайыннарыыга түмсүүлээх буолуохха!
Ирина Митина, СӨ култууратын туйгуна, “Алыптаах Мааска” көрүү-күрэх бырайыак иккис ааптара, Сунтаар улууһа.
Кэскил14.ру