Ахсынньы 6 күнүгэр А.Г. уонна Н.К. Чирээйэптэр ааттарынан Дьокуускай куорат национальнай гимназиятын ахсыс «А» кылааһын үөрэнээччилэригэр соһуччу интэриэһинэй уруок ааста.
Ахсаан (математика) уруогар учууталлара Октябрина Петровна, бу курдук оҕо толкуйдуур дьоҕурун таба тутан сайыннарар, дьарык уруоктара син балачча элбэх буолар. Уруоктарын тиэмэтэ — этюд , киһи тута өйдөөбөт да буоллар, бу этюд ньымата олох бары эйгэтигэр алтыһан ааһар. Ону олус дириҥник көрөн, уруок саҕаланыыта, лоп-бааччы быһаарыы барда.
Этюд ойуулуур-дьүһүннүүр искусствоҕа, этюд муусука алыбыгар, архитектураҕа, тыйаатырга кытта баар. Ону оҕолор билэллэр.
Октябрина Петровна Скрябина бэйэтэ этэринэн, ахсаан уруогар оҕо бу толкуйдаан таһаарбыт бырайыагын холобурун сахалыы ийэ өйүнэн сааһылаан таһаарыыта суолталаах диэн этэр. Мин манна олорон, оҕолорбуттан үөрэнним, астыныы кэллэ. Упаковка — хаа, диагональ — быһа охсуу, киин, төгүрүмтэ, трапеция иэнэ, туруорба курдук тыллары эбии биллим.
Уруок ураты айымньы тыыннаах буолла, ону оҕолор бэйэлэрэ да биһириир эбиттэр. Этюд көстүүтүн таба тутан оҥорбут оҕо бырайыактара сонуннар, уратылаахтар. Манна биир эмиэ сонуна — иккилии буолан көмүскээтилэр, кэпсээтилэр.
Тиэмэлэрин толору арыйарга — оҥоһуктарынан үлэ, технология уруогар Николай Павлович Аммосов ыйан-көрдөрөн көмөлөспүт.
Бу уруокка учуутал үөрэппит оҕото, гимназиябыт выпускнига В.Б. Федоров кэлэн үүнэр ыччат санаатын истэн, көлүөнэ солбуйсуутугар элбэх сүбэни биэрдэ.
Сонун уруок сонуннук, алтыһыннарыылаах, сайыннарыылаах ааста. Оҕоҕо ахсааны өйдүүрүгэр биир сүрүн ньыматын быһыытынан.
Гимназиябыт медиа-киинин үлэһиттэригэр бу курдук уруоктары, тэрээһиннэри ыытарга өйөбүл, көмө буолалларыгар махтанабыт.
Татьяна Жиркова, «Олох үөрэҕэ» норуот педагогикатын Киинин салайааччыта.
keskil14.ru