Лааҕыр диэн бэйэтэ туспа энергетикалаах, бэрт интэриэһинэй сир. Манна элбэх доҕоттордоноҕун, билии ылаҕын, талааҥҥын сайыннараҕын. Бүгүн эһиэхэ анаан сайыҥҥы “Алтан” оскуола лааҕырын билсиһиннэрбит.“Алтан” оскуола төрүттээччитэ Дьулустаан Осипов лааҕыр уратытын, үчүгэйин туһунан кэпсээтэ.
Лааҕыр туһунан: Биһиги лааҕырбыт быйыл 5-с сырыыта буолла.Оҕолору 2-с кылаастан 10-ка диэри ылабыт. Саастарынан араартаан үөрэтэбит.Сайын устата үлэлиибит, лааҕырбыт икки нэдиэлэлээх: уопсайа 5 сезон, 1 сезон түмүктэннэ. Бу лааҕырга IT эйгэ араас хайысхатын кытта билсэллэр. Холобура, компьютерга 2D, 3D оонньуулары үөрэтэбит. Улахан кылаас оҕолоро Unity уонна Unreal Engine диэн оонньуу движоктарын үөрэтэллэр.Оттон алын кылаас оҕолоро Roblox studio диэн Roblox платформатыгар 3D уонна Scratch диэҥҥэ 2D оонньуулары оҥорорго үөрэнэллэр. Ону тэҥэ биһиэхэ компьютернай графика хайысхата баар, оҕолор хас даҕаны программаҕа үлэлииргэ үөрэнэллэр. Растровай графикаҕа, Krita диэн программаҕа уруһуйдуурга үөрэнэллэр. Векторнай графикаҕа Inkscape программаҕа иконкалары, логотиптары оҥоро үөрэнэллэр. Өссө биһиги лааҕырбытыгар анимация баар.
Лааҕыр уратыта: Быйылгы лааҕырбыт уратыта буолар – Дьокуускайга эрэ буолбакка, Бэрдьигэстээххэ уонна Покровскайга дьарыктарбыт ыытылла тураллар.
Үөрэх кэмигэр ыраахтан үөрэтии. Холобура, ааспыт үөрэх дьылыгар 600 оҕоттон 200 оҕо ыраахтан үөрэннэ. Үксүлэрэ улуустар уонна Россия араас регионуттан үөрэннилэр.Лааҕыр үчүгэйэ: IT-ны кытта саҥа билсэр оҕолорго олус туһалаах. Икки нэдиэлэ иһигэр оҕо элбэх IT-га баар хайысхалары боруобалаан, кини сөбүлээбит дьарыгын талан баран, салҕыы күһүн “Алтаҥҥа” дириҥник үөрэтэргэ биир сыллаах кууруска суруттарыан сөп. Сынньалаҥ кэмигэр оҕолорго остуол оонньууларын, карточкаларынан оонньотобут. Бу оҕолор аһыллалларыгар көмөлөһөр, кэпсэтэр-саҥарар дьоҕурдарын сайыннарар.
Сыаната: 13900. Араас элбэх акциялар бааллар. Лааҕырга икки нэдиэлэ иннинэ суруйтардахха 12400 солк. буолар. Ону тэҥэ блогердар, кылаас салайааччыларын нөҥүө 500 солк. чэпчэтиилээх промокодтары туһаннахха 11900 солк. буолар.
Тимур Ноев,VIIкылаас:
Амматтан сылдьабын. 3D моделирование, оонньуу оҥоробут. Бастаан 2D оҥорбуппут, оттон 3D оонньууну бэйэбит толкуйдаан оҥорбуппут. Бу лааҕыры олус сөбүлээтим, элбэҕи биллим. Критаҕа анимация оҥордубут уонна уруһуйдаатыбыт. Графическай планшекка анал ручканан уруһуйдуурга үөрэнним.
Эрик-Эрхан Яковлев, VIII кылаас:
Мин Бүлүүттэн сылдьабын. Биһиги группабытыгар 10 буолан үөрэннибит. Программанированияҕа, хайдах кадрынан анимация, мультик оҥорорго үөрэнним. Манна сылдьар наһаа интэриэһинэй эбит, элбэх саҥа доҕоттордоннум.
Матырыйаалы Кристина Иванова бэлэмнээтэ