Сахабыт сирин аатын кырачаан кыргыттар «Маленькая Мисс Россия» күрэхтэригэр алта саастаах Эбээн-Бытантай Баатаҕай Алыытыгар олорор Кристина Черемкина көмүскүөҕэ. Күрэх атырдьах ыйын 25-30 күннэригэр Сочи куоракка ыытыллар.
Бу күрэххэ кыайбыт кэрэчээнэ куо аан дойдутааҕы «Little mister and miss World 2022» күрэххэ кыттар чиэскэ тиксэр.
Санатан этэр эбит буоллахха, Кристина «Кындыкан» диэн биллэр ырыаһыт Kitjah клибыгар уһуллан турардаах.
Бу маннык сүүнэ улахан күрэххэ Саха сириттэн аан бастакытын аҕыйах ахсааннаах норуоттар бэрэстэбиитэллэрэ кыттара хайҕаллаах.
Күрэхтэһии саҕаланара биир эрэ күн хаалла!
Сотору Интернет ситиминэн куоластааһын саҕаланыа, онон сиһилии «Маленькая Мисс Россия» сирэйигэр https://www.littlemissrus.ru билсиэххитин сөп.
Кырачаан кэрэчээнэ куоҕа Кристинаҕа ситиһиилэри баҕарыаҕыҥ!