Мин биир чугас доҕорум Серик. Кини тыһы кролик. Сип-сиэрэй дьүһүннээх, уһун кулгаахтаах, хап-хара киэҥ чоҕулуччу көрбүт харахтаах, уп-уһун кыламаннаах, иннигэр икки улахан тиистээх.
Серик отунан, кроликтарга аналлаах аһынан,хаппыыста хаҕынан, талаҕынан уонна моркуобунан аһылыктанар. Ардыгар Сериги маанылаан фрукта бэрсээччибин. Ону олус түргэнник сиэн кэбигирэтэн кэбиһээччи.
Серик кыһынын таһырдьа кыстыыр. Анал уйалаах. Сылаас буоллун диэн отунан-маһынан бүрүйэбит. Уйата балаҕан иһигэр турар. Кыһынан, сааһын мин Сериктыын биирдэ да көрсүбэппин. Биричиинэтэ, мин таһырдьа тахсыбаппын, Серик дьиэҕэ киирбэт.Ол иһин хаһан хаар ууллан, тэлгэһэм кууран,Серикпиниин көрсөрбүн, олус кэтэһэбин. Серигим төһө эрэ улаатта буолла — диэн өйбөр оҥорон көрөбүн.
Мин саамай чугас доҕотторум, мин дьиэм кыыллара. Кинилэрдиин кэпсэтэммин сүрдээҕин аралдьыйабын. Мин кыылларбын олус таптыыбын, кинилэри харыстыыбын. Хаһан хаар ууллан, тэлгэһэм куурарын туохтан да ордук кэтэһэбин.
Табырынова Альмира
Игидэй орто оскуолатын 5-с кылааһын үөрэнээччитэ.
Таатта.