Сыллата үтүө үгэскэ кубулуйбут ВЫПУСКНИК күнэ муус устар 22 күнүгэр буолара суолталаах, үтүө үгэскэ кубулуйда. Бу күн оскуолабыт аатын сүгэр Иван Николаевич Жирков төрөөбүт күнэ буолбута. Бу тэрээһини оҕолор, төрөппүттэр, учууталлар уонна бары нэһилиэк олохтоохторо бары күүтэр күннэрэ. Онон бу күн выпускниктарбытыгар биир умнуллубат үтүө күннэрэ буолла диэн эрэнэбит.
Быйылгы выпускниктар биэчэрдэрин “Алгыстаах аартыгынан” диэн ааттаан ыыттылар. Биэчэр бастакы чааһыгар оҕолорго аналлаах алгыс тыллары үөрэтэр учууталлара, нэһилиэк олохтоохторо, аймах-билэ дьонноро анаатылар, ситиһиилээх үөрэнээччилэргэ оскуола грамоталара туттарылыннылар.
Дьэ ол кэннэ бииртэн биир бэртээхэй нүөмэрдэр, саҥа арыйыылар тахсан истилэр. Быйыл бүтэрэн барар оҕолор бары да талааннара барыбытын сөхтөрдө. Кылаастарын салайааччыта Маргарита Ивановна Алексеева уонна маҥнайгы учууталлара Людмила Петровна Бурцева оҕолоругар күүс-көмө буолан ис сүрэхтэн истиҥ кэнсиэри туруоран бэлэхтээбиттэригэр оҕолуун, улахан дьоннуун бары дуоһуйууну ыллыбыт.
Милена Акимова, 10 кылаас, Дүпсүн орто оскуолата, уус Алдан.