От ыйын 4 күнүгэр Нерюнгри куоракка, Таастаах пааркатыгар сыллата ахсын Саха сирин кэрийэн ыытыллар Олоҥхо Ыһыаҕа өрө күүрүүлээхтик саҕаланна. Чахчы биллэрин курдук, ыһыах түһүлгэтэ куруутун алгыс сиэрин туомуттан саҕаланар. Ол курдук — «Өбүгэлэрбит барахсаттар айылҕаҕа чугас буолан, айыыларга, иччилэргэ сүгүрүйүү итэҕэлэ, онтон тахсыбыт сиэрдэрэ — туомнара үгэс быһыытынан, билиҥҥи үйэҕэ диэри тиийэн кэлбитэ. Олортон биирдэстэринэн «Булт
сиэрэ — туома» буолар.» диэн тыларынан алгыс сиэрэ туома саҕаламмыта.
Эр киһи тыаҕа ииппит сохсотун көрө барарыгар дьахтар дьиэтигэр күөс күөстүү хаалара. Ол курдук күн күбэй ийэлэр санааларын ыраастаан, турукка киирэн кэлбит дьону-сэргэни түптэ буруотун күн эргииринэн эргийэн тарҕаппыттара, дьону арчылаабыттара, араҥаччылаабыттара. Кэлин, далбар хотун салайыытынан аал уоту оттон, үҥүрүйэн-сүгүрүн туран аал уоту аһатан баран алгыс сиэрэ туома түспүтүн кэннэ түһүлгэ иһигэр сылаас салгын үрэн дьон сэргэ үрдүк айыылары кытта холбоспутуу буолбуттара. Ол кэннэ алгыс сиэрэ туома кэлбит дьон салама илиитинэн күндү-мааны үгэһинэн түмүктэммитэ.
Вадим КОЛЕСОВ,
А.П.Илларионов аатынан Хайахсыт орто оскуолата, Чурапчы