Сыл аайы Игидэй нэһилиэгэр кэтэһиилээх хайыһар күрэҕэ ыытыллар. Игидэй орто оскуолатын тренердэрэ, оҕолоро бу күрэҕи олус тэрээһиннээхтик көрсөллөр.Быйылгы күрэх миэхэ олус долгутуулаах этэ.
Быйыл Алдан трассатыгар хайыһардаары эрдэттэн бэлэмнэммитим. Дэбдиргэ күрэҕэ энтузиаст тренер, Константин Петрович Никифоров аатыгар ыытыллыбыта. Күрэхтэһии түмүгэр биһиги хамаандабыт эрэллээхтик бастаабыта. Оҕолор эрдэттэн кыһыллан туран дьарыктаммыт үлэлэрэ үтүө түмүктээх буолбутуттан, олус үөрбүттэрэ.
Биһиги тренербит Оросин Софрон Егорович туруулаһан хас да сыл устата ыра санаа оҥостубут Алдаммыт трассатыгар оскуолабыт хамаандата тутуспутунан айаннаатыбыт. Хамаанда састаабыгар 5-н 11-с кылаас оҕолотугар тиийэ бааллар. Нэһилиэкпит эр дьонун түмсүүтэ өйөөн, харчынан көмөлөспүттэрэ.
Игидэйтэн Алдаҥҥа диэри массыынанан 19 чаас устата айаннаан тиийдибит.Олус сэргэхтик айаннаатыбыт. Алдан хайаларын, поезд ааһар муостатын сөҕө-махтайа көрдүбүт. Алдаҥҥа техникум уопсайыгар түстүбүт. Бастакы күммүтүгэр хайыһар трассатын билистибит.Олус үчүгэй трасса, Олус үчүгэй база. Оҕолор хайыһарынан күүскэ дьарыктаналлар эбит..Скоростара түргэнэ, хайыһардара сыыдама сөхтөрдө, салыннарда. Кыра оҕолор эмиэ түргэннэрэ сүрдээх. Трассаны билсэн бараммыт, базаларынан экскурсияҕа сырыттыбыт. Иккис күммүтүгэр күрэхтэһиибит саҕаланна.Олус долгуйдубут.Рыбкина Инна диэн спорт маастарын кытта билистибит. Трассабытыгар олус элбэх үрдүк сыырдаах.Өрө тахсарга ыарахан, таҥнары түһэргэ кутталлаах.Ол эрээри биһиги бары туруоруммут сыалбытын толордубут. Бастакы сүрэхтэниибитин аастыбыт. Уопсайа Алдаҥҥа 7 күн устата сырыттыбыт, 4 күн күрэхтэстибит.3 күн сынньанныбыт. Алдан куораты көрдүбүт. Бүтэһик күммүтүгэр атахпыт сототугар диэри халыҥ хаар түспүтэ.Ол үрдүнэн хайыһарга турдубут.
Алдан трассатыгар хайыһарга сүүрбүппүнэн , бэйэбин дьоллоох киһинэн ааҕынабын.
Сорох оҕолорбут 2,3 юношескай, спортивнай разрядтары толордулар.
Алдан трассатыгар хайыһарга сүүрэр дьолу бэлэхтээбит төрөппүттэрбэр, көмөлөспүт дьоммор барҕа махтал тылларын аныыбын.
Васильева Сардаана
Игидэй орто оскуолатын 7 кылааһын үөрэнээччитэ.
«Туллук» медиаоскуола.