Э.К.Пекарскай аатынан Игидэй орто оскуолатын үөрэнээччилэрэ, А.И.Софронов-Алампа төрөөбүтэ 135 сылыгар анаммыт нэдиэлэтигэр хоһоон айан күрэхтэстилэр.
Алампам
Имигэс тылынан суруллубут
Хоһоонноро, кэпсээннэрэ
Ыраас-дириҥ иэйиилээх
Киһи өйүгэр хатанар,
Дууһаны таарыйар
Өйгө-санааҕа иҥэр,
Туспа дьикти суолталаах.
Кини хас биирдии
Айар тылларын
Илиискэ тиһэн иһэрэ,
Кэнэҕэски кэлэр ыччакка
Бэлэ гынан хаалларбыта
Тугун баҕас кэртэй.
Алампа үйэлээх дьоло
Өссө да үйэлэргэ
Ууһуу-кэҥии турдун.
Вася Лопатин-9 кылаас.
Сырдык хааннаах
Таатта уола, Алампа,
Үрүҥ күн анныгар
Ырааҕы одуулаан көрөр.
Тоҥуй сүрэхтээх
Нарын хоһоонноох,
Доҕоччугуом, Алампа.
Нарияна Турнина -8 кылаас.
Алампа диэн
Ыраас санаалаах,
Аһыныгас, үтүө дууһалаах,
Биһиги, Алампабыт,
Талах курдаах ,
Таатта уола.
Кини хоһоонноро
Хас биирдии киһи
Дууһатын таарыйаллар.
Алампабыт барахсан
Олоҕо ыарахан,
Кини олоххо эрэлэ
Норуоту үөрдэрэ,
Кини хоһооннорун иэйиитэ
Киһи сүрэҕэр,
Миэстэни ылаллар.
Алампа курдук
Сырдык санаалаах дьон,
Элбии турдунар.
Варламова Аня- 9 кылаас.
Аан дойдуга
Кэрэ поэттар элбэхтэр,
Киһи дууһатыгар иҥэр
Хоһоонноох поэт аҕыйах,
Айыллыбыт хоһооннор ардыгар
Олус түргэнник умнуллаллар.
Алмпа айымньыта
Ааҕааччыга чугас,
Дириҥ ис хоһооно
Киһи кутун тутар.
Мин оҕо эрдэхпиттэн
Хоһооннору ааҕабын,
Алампа айымньытын
Бэйэбэр үөрэтэбин.
Антоева Ганна-9 кылаас.
Кыраһыабай имигэс тыллаах,
Дууһаны таарыйар хоһоонноох,
Сырдыкка кэрэҕэ сирдиир,
Оҕо-аймах сөбүлээн ааҕар.
Алампа саха театрын аҕата
Алампа барахсан талааннаах,
Улуукан дэтэргэ дьүөрэлээх,
Тыл күүһүн баараҕай аҕата
Бар дьонтон улахан баһыыба!
Сүдү талааҥҥар сүгүрүйэн,
Күн бүгүн норуотун умнубат,
Үйэттэн үйэҕэ астына
Эн ааккын, киэн тутта
ааттыыбыт.
Люба Егорова 5 кылаас.
Саха сиригэр, Алампа
Айымньытын ааҕаллар,
Хоһоонун ис дууһатыттан
Эбэм сороҕор ааҕар.
Оскуола боруогун, Алампа
Уон алтатыгар атыллаабыта,
Улахан үөрэхтээх киһи,
Үүнэн-сайдан
тахсыбыта.
Кэргэнигэр, Дуняҕа
Элбэх айымньытын анаабыта,
Алампа таптала
Сир үрдүгэр соҕотох.
Сережа Дедюкин-5 кылаас.
Хараҥа батталлаах олоххо
Үөрэххэ-сырдыкка тардыһан,
Көҥүл олох туһугар
Бэйэтин кылаатын киллэрбитэ.
Тааттам сайдарын туһугар
Алаас уола, Алампа
Бэйэтин өйүн-санаатын
Норуот туһугар анаабыта.
Варламов Айсиэн -6 кылаас.
Салайааччы: Ефимова В.К.-саха тылын уонна литературатын учуутала.