Таатта лиссиэйигэр сыл ахсын «Мырааны дабайыы» тэрээһин буолар. Быйылгы үөрэх дьылыгар балаҕан ыйын 9 күнүгэр ыытылынна. Тэрээһиммит «Зеленая Россия» акцияттан саҕаланар.
Оскуола оҕото барыта ырааһырдыы үлэтигэр кыттабыт. Ол кэннэ эстафета, канат тардыһыыта, футбол, хаартыскаҕа түһэрии, мырааҥҥа предмет көрдөөһүн, ытыы буолла. Кылаастар бары көхтөөхтүк кытыннылар.
Быйыл Оксана Прокопьевна айылҕа көстүүтүн тылларын суолтатын билэн, хаартыскаҕа түһэрэн аҕалан кэпсиир «Тыл оонньуутун» киллэрбитин олус кэрэхсээтибит. Билбэт өйдөбүллэрбитин биллибит, тылбыт саппааһын байыттыбыт.
Элеонора Большакова,
9а кылаас үөрэнээччитэ,
А.Е. Мординов аатынан
Таатта лиссиэйэ