Мэнду гиркил! Дорооболоруҥ, оҕолор!
Мин Эдьигээн орто оскуолатыгар II «А» кылааска үөрэнэбин. Учууталым Планета Андреевна Павлова 1995 сылтан Эдьигээн орто оскуолатыгар начаалынай кылаас учууталынан үлэлээн саҕалаабыта. 2007 сылга эбэҥки тылын үөрэтэр куруһуок арыллыбыта. Онтон 2019 сылга бу куруһуок уруок быһыытынан үөрэтиллэр буолбута. Планета Андреевна эбэҥки тылыгар элбэх оҕону уһуйбута уонна күн бүгүнүгэр диэри үөрэтэ сылдьар.
Мин эбэҥки тылын уруогун олус сөбүлүүбүн, болҕомтолоохтук истэн, интириэһиргээн үөрэнэбин. Саҥа билбэт тыллары үөрэтэрбин астынабын.
Ийэм кэпсээнинэн, хос эһээм Иннокентий Николаевич Афанасьев эбэҥки тылын холкутук билэр, өйдүүр, ааҕар эбит. Ийэм Анастасия Владиславовна бииргэ төрөөбүт эдьиийэ Мария Владиславовналыын Нерюнгрига «Арктика» оскуолатыгар эбэҥки тылын үөрэппиттэрэ.
Эдьигээммит эбэҥки нэһилиэгэ буолан, саас аайы бакалдын буолар. Бакалдын – биһиги саамай сөбүлүүр бырааһынньыкпыт, сайыны көрсүү, саҥа от-мас үүнэрин тосхойуу. Онно бары эбэҥкилии үнкүүлүүбүт, ыллыыбыт, өбүгэлэрбит оонньууларын оонньуубут.
Эдьигээммэр эбэҥки төрүт култуурата сайдарынан олуһун диэн киэн туттабын.
Айсена Текеянова, II «А» кылаас,
Эдьигээн орто оскуолата.