Бу соторутааҕыта 4-нүөмэрдээх оҕо успуордун оскуолатын иитиллээччитэ 17 саастаах Айсен Матвеев оҕунан ытыыга ыччаттарга Европа Кубогын иккис түһүмэҕэр уопсай ахсааҥҥа 8 миэстэни ылла. «World Archery Europe» диэн ааттаах күрэхтэһии Румыния Бухарест куоратыгар ыытылынна.
Айсен оҕунан ытыынан аҕыйах кэмтэн ыла дьарыктанар уонна номнуо улахан ситиһиини көрдөрдө.
Арассыыйа сүүмэрдэммит хамаандата бу улахан ааттаах-суоллаах түһүлгэҕэ икки түһүмэх түмүгүнэн уопсай хамаанданан маҥнайгы миэстэни, онтон иккис түһүмэххэ иккис миэстэни ылар чиэскэ тигистилэр.
Эдэр кэскиллээх спортсмен уолбутун Айсен Матвеевы эҕэрдэлиибит!