Ахсынньы ый 31 күнүгэр Өрөспүүбүлкэтэҕи эрдэлиир анал идэни бэлэмниир кииҥҥэ (ЦОПП РС(Я)) “Акселерация бизнес-проектов” диэн орто анал үөрэх кыһалара урбаан эйгэтигэр бырайыактарын сырдатар тэрээһин ыытылынна.
Уопсайа уон орто анал үөрэх кыһата бэйэлэрин олоххо киирбит бырайыактара туох ыарахаттары көрсүбүтүн, хайдах саҕалаабыттарын туһунан уонна өссө да былааҥҥа баар санааларын үллэһиннилэр. Ол курдук, Нам техникума килиэп оҥорон эргинэр, ону таһынан эттэн оҥоһуллар полуфабрикаттары оҥорор былааннаахтарын кэпсээтилэр. Дьокуускайдааҕы сервис техникума “Ваш образ” диэн парикмахерскай арыйбыттарын, ону таһынан үөрэхтэрин кыһатыгар кафе арыйан ситиһиилээхтик үлэлии турарын, устудьуоннар дьаныһан туран бырайыак сайдыытыгар үлэлэһэллэрин туһунан үөрүүлээх сонуну иһитиннэрдилэр. Саха Сирин урбаана сайдарыгар бэйэлэрин кылаттарын киллэрэр уһуйааччыларга уонна устудьуоннарга ситиһиини баҕарыаҕыҥ!
keskil14.ru