Ахсынньы 12 күнүгэр Сунтаарга «Агрохакатон» диэн IT күрэх саҕаланна. Маннык күрэх республикаҕа бастакытын ыытыллар. Тыа хаһаайыстыбатын салаатыгар цифровизацияны киллэриигэ, инникитин сайдыылаах, аныгы технологияны кытта үлэлииргэ улахан суолталаах тэрээһин Сунтаардааҕы оҕо дьоҕурун сайыннарар киин тэрийиитинэн ыытыллар.
Манна оскуола оҕолоро үс күн устата тыа хаһаайыстыбатын тэрилтэлэрин сорудахтарынан IT бородууксуйалары оҥорон таһаарыахтара. Үлэлэрин, бырайыактарын бээтинсэҕэ, Сергей Зверев-Кыыл Уолун киинигэр көмүскүөхтэрэ.
Барыта 8 хамаанда кыттар. Сунтаар бастакы нүөмэрдээх орто оскуолатыттан 8-а кылаас үөрэнээччилэрэ Анисия Семенова, Стас Любенко, Влада Авелова кытталлар.
Күрэх кыттыылаахтарыгар ситиһиилэри баҕарабыт.
Сунтаар 1 №-дээх орто оскуолатын медиакиинэ.