Саха сирин куйаас сайыныгар хайдах харыстанабыт, күн уотуттан хайдах көмүскэнэбит? Биһиги эһиэхэ 4 туһалаах сүбэни бэлэмнээтибит:
Элбэх ууну иһии. Киһи итиигэ түргэнник утатар. Онон элбэх уу иһиэххэ. Таһырдьа, айаҥҥа барар буолахха бэйэни кытта уу илдьэ сылдьар табыгастаах. Гаазтаах, саахардаах сок киһи утаҕын ханнарбат, төттөрүтүн утатыннарар.
Чэпчэки, киэҥ, чараас, сырдык өҥнөөх таҥастары кэтэ сатааҥ. Солко, лүөн матырыйааллаах таҥастарга киһи этэ-сиинэ холкутук тыынар. Ону таһынан, салгын ачыкытын умнумуохха.
Олус итиигэ күн уота киһи тириитин хатардар, араас пигмент биэрэр. Таһырдьа тахсыах иннинэ күнтэн харыстыыр анал кремнэри туттуохха сөп.
Күн киһи баттаҕын сиир. Онон бейсболка, сэлээппэ, былаат баанан тахсар ордук. Күн оройугар бэргэһэтэ суох сырыттахха киһи төбөтө ыалдьыан сөп.