СӨ Үөрэх уонна наука миниистирэ Ирина Любимова Ааҕыы сылынан «Оҕолорго кинигэтэ бэлэхтээ» диэн аахсыйа саҕалаабытын СӨ Бырабыыталыстыбатын Бэрэссэдээтэлин солбуйааччы Сергей Местников өйөөтө. Кини Тулагы нэһилиэгин элбэх оҕолоох дьиэ кэргэнигэр Прибылыхтарга сахалыы кинигэлэри бэлэх уунна.
«Кинигэни ааҕар киһи элбэх билиилээх уонна бу олоххо бигэ туруктаах буолар, бэйэтин төрүт тылын толору баһылыыр кыахтанар. Оҕолор кинигэни таптааҥ, элбэҕи ааҕыҥ, көрүҥ-билиҥ», — диэн ыччакка туһаайан этэр Сергей Местников.
«Оҕолорго кинигэтэ бэлэхтээ» аахсыйа салгыы бара турар, аахсыйаны политиктар, үөрэх эйгэтин үлэһиттэрэ, урбаанньыттар, общественниктар уо.д.а. өйүүллэр.