Ыам ыйын 4 күнүгэр, Бүлүү куоратыгар СВО кыттыылаахтарыгар анаммыт аһымал кэнсиэр буолан ааста. Улуус Юнармия уонна Росгвардия кылааһын иитиллээччилэрэ, Бүлүү куоратыттан детсад уонна оскуола оҕолоро М. Жирков аатынан култуура дыбарыаһыгар көхтөөхтүк кытынныбыт. Уопсайа 27 нүөмэр турда. Биһиги, А. Харысхан, Н. Дайаана, Г. Владимир уонна мин, эдкордар буолан икки үҥкүүнү үҥкүүлээтибит.
Оҕолор нүөмэрдэрин айымньылаахтык толкуйдаан, сыанаҕа туохтан да иҥнибэккэ көрдөрдүлэр. Аһымал кэнсиэр ыытыллан, 200 тыһыынча солкуобай киирбит диэтилэр. Киирбит сууманы СВО кыттыылаахтарыгар ыыталлар.
Саяна Григорьева,
Тааһаҕар, Бүлүү.