А.Е.Мординов аатынан Тааттатааҕы лиссиэй балаҕан ыйын 20 күнүгэр Суоттуга ыытыллыбыт үлэнэн иитии семинарга кыттыыны ылла. Семинарга агрооскуолалар уонна политехническэй оскуолалар кыттан уопут үллэһиннилэр, соруктары быһаарыстылар, инникитин сокуоннары, нормативно-правовой докумуоннары ылыныыга, оскуолаҕа үлэҕэ сыал-сорук ылыннылар.
Суотту оскуолата үлэнэн иитиигэ өр сылларга тиһигин быспакка тутан кэлбит уопутун чахчы киһи сөҕөр. Аҥардас семинары үгүс киһини мунньан үрдүк таһымнаахтык ыыппыттара, үлэни тэрийэ үөрэммиттэрэ көстөр.
Бүгүн оҕону үлэттэн тэйитии кыһалҕата баарын бары билинэн үлэ атыннык тэриллиэхтээҕин ыйдылар, төрөппүттэргэ тахсарга туһаайдылар.
Онон семинар республика үлэнэн иитиигэ үлэтин түмэн көрдөрөн салгыы хайдах үлэлиирбитигэр чопчу сүбэлэри биэрдэ.
Тааттатааҕы лицей медиа киинэ, Таатта улууһа