Дьааҥы улууһун Боронук орто оскуолатыгар балаҕан ыйын 26 күнүттэн алтынньы 1 күнүгэр диэри кырдьаҕастарга аналлаах нэдиэлэ ыытылынна. 5-11 кылаас үөрэнээччилэрэ аҕам саастаах дьоммутугар тимурдуу көмөнү оҥордулар.
1 кылаастар (салайааччы Горохова А.М.) аҕам саастаах дьон куннэринэн эҕэрдэлээн, нэһилиэк ытык дьонугар бэлэх туттаран кэллилэр.
Күндэл кылааһын оҕолорун уонна бэйэтин аатыттан эһэтин Яков Александровиһы эҕэрдэлээтэ.
Иккис кылаастар (сал.Будищева М.В.) Анастасия Васильевна Даниловаҕа, Мария Николаевна Соловьеваҕа уонна Дмитрий Алексеевич Гороховка эҕэрдэ аккырыыкка, ырыа- хоһоон бэлэхтээн сэргэхситтилэр. Дмитрий Алексеевич оҕолор кэлэн эҕэрдэлээн, ыллаан, өйдөбүнньүк бэлэх бэлэхтээбиттэрин иһин махтанна, ситиһиилээх үөрэҕи, үлэни,доруобуйаны баҕарда.
9-с кылаастар (сал. Ноговицына С.В.) Феодосия Васильевна Никитинаҕа баран олбуор иһин хомуйан, оҕуруот буорун ыраастаан кэллилэр.
5-с кылаастар (сал.Заборовская Л.Ю.) Горохов Яков Александровичка мас саһааннаатылар.
8-с кылаастар (сал.Горохова Г.В.) бэтэрээн учуутал Розалия Андреевна Чириковаҕа мотуок уута аҕалан куппут маһын ыраастаатылар.
6, 7-с кылаас үөрэнээччилэрэ О.И. Другинаҕа тимуровецтыы көмө оҥоро бара сырыттылар. Ынахтарын бүтэйгэ күөйэн аҕалан хаайдылар, духи бытыылкалара, былаат коллекциятын көрдүлэр, эбии икки былааты бэлэхтээтилэр.