Сунтаар 1 №-дээх оскуолатын 6″а» кылааһын уолаттара оҕо эрдэхтэриттэн Аҕа дойду көмүскэлигэр, аармыйаҕа сулууспалыырга бэлэмнэнэллэр. Онон туох да үлэттэн толлубакка, барытыгар ылсаллар уонна спорт араас көрүҥнэринэн утумнаахтык дьарыктаналлар. Учууталлара, математик идэлээх Анна Петровна Иванова кэпсиир.
Любенко Стас бултуурун, балыктыырын, ас астыырын сөбүлүүр. Ийэтигэр дьиэ ис -тас үлэтигэр көмөлөһөр. Үөрэх кэнниттэн араас куруһуоктарга сылдьар. Оҕуруот аһын көрөр уонна хомуйар эбээһинэһин сыллата толорор.
Петров Ваня ыал улахан оҕото буолан, кыра эрдэҕиттэн дьонугар көмө киһитэ. Дьиэ улэтин барытын кыайа хото толорор, эбээлээҕэр мастарын хайытан, кыстаан бэлэмниир. Боксанан сөбүлээн дьарыктана сылдьар. Ону таһынан гитара, ох саанан ытыы куруһуоктарыгар сылдьар.
Васильев Любомир дьонун кытта балыктыы, бултуу барарын, айылҕаҕа сылдьарын туохтааҕар да ордорор. Дьиэтээҕи да үлэттэн аккаастаммат, дьиэ ис -тас үлэтигэр көмөлөһөр.
