Олунньу 22 күнүгэр, Филипп Гаврильевич Охлопков аатынан орто оскуолатыгар Аҕа дойдуну көмүскээччилэр күннэригэр аналлаах «Смотр строя и песни» тэрээһин үрдүк таһымҥа ааста.
Оскуола этэрээттэрин хамандыыра 11 кылаас үөрэнээччитэ Владислав Потапов оскуола директорыгар Вера Аркадьевна Тимофееваҕа, бастакы кылаастан уон биирис кылааска дылы бары устуруойдаан хаамыыга турдулар диэн араапардаата.
Оскуолабыт “Болот” военно-патриотическай кулууп чилиэннэрэ, быйыл буолан ааспыт улуустааҕы «Снежный барс» байыаннай-cпортивнай күрэхтэһии призердара показательнай выступление көрдөрдүлэр.
Ол кэнниттэн кылаас хамандыырдара биир-биир кэлэн хамандыырга араапардаатыбыт. Онтон хас биирдии кылаас тус-туһунан устуруойдаан хаама-хаама байыаннай тиэмэҕэ суруллубут ырыалары ыллаан, хааман ньиргиттибит.
Хаамыы, ырыа, байыаннай таҥас-сап көрүү түмүгүнэн кылаас аайы миэстэлэри олохтоон грамоталары олунньу 23 күнүгэр туттардылар.
Ф.Г.Охлопков аатынан
Майа оскуолата