Атырдьах ыйын 20 күнүттэн балаҕан ыйын 19 күнүгэр диэри Саха Өрөспүүбүлүкэтин национальнай ойуулуур-дьүһүннүүр түмэл быыстапкатын саалыгар «Снайпер саха» диэн Улуу Кыайыы 80 сылыгар анааллаах быыстапка буола турар. Бу быыстапка Аҕа дойду Улуу сэриитин хорсун, саха саллаатын уобараһыгар ананар.
Аҕа дойду Улуу сэриитин кэмигэр Саха саллааттара сытыы харахтаах, хорсун быһыылардаах бэргэн ытааччыларынан сураҕырбыттара. Өстөөҕү биир буулдьанан суулларар кыахтаахтара. Кинилэри бойобуой доҕотторо убаастыыллара, кинилэртэн өстөөхтөр куттаналлара.
Саха сирин улуу снайпердара: Федор Охлопков, Михаил Стрекаловскай, Иван Кульбертинов, Алексей Миронов, Дмитрий Гуляев, Егор Петров уонна да атыттар Аҕа дойду Улуу сэриитигэр хорсун быһыыларын көрдөрбүттэрэ.
Саха снайпердарын биир уобараска түмэн «Снайпер саха» диэн 2010 сыллаахха сахалыы киинэ тахсыбыта. Режисер Никита Аржаков. Быыстапка тэриллиитигэр бу киинэ тирэх буолла.
Быыстапкаҕа Саха Өрөспүүбүлүкэтин национальнай ойуулуур-дьүһүннүүр түмэлгэ баар Саха сирин худуоһунньуктарын уруһуйдара түмүлүннүлэр. Декоративнай прикладной искусство уонна скульптуралары эмиэ көрүөххэ сөп.
Быыстапканы балаҕан ыйын 19 күнүгэр диэри сарсыарда 10:00 киэһэ 18:00 диэри Кирова уулусса 12, 2 этээскэ кэлэн көрүөххэ сөп. Улахан дьоҥҥо — 300, студеннарга — 200, оскуола оҕолоругар босхо.
Быыстапка туһунан сиһилии https://clck.ru/3NjHbx.
Keskil14.ru
СӨ национальнай ойуулуур-дьүһүннүүр түмэл хаартыскалара