От ыйын 8 күнүгэр Дьиэ кэргэн аан дойдутааҕы күнэ буолан ааста. Уус Алдан улууһун Дүпсүн орто оскуолатын иһинэн үлэлиир «Кустук» лааҕырыгар Дьиэ кэргэн күнүгэр аналлаах тэрээһин бэрт сэргэхтик ыытылынна. Хас биирдии оҕо бэйэтин дьиэ кэргэнин эмблематын оҥорон көмүскээтилэр, презентациялары көрдөрдүлэр, видео нөҥүө эҕэрдэлэрин ыыттылар.
Этэрээттэринэн дьиэ кэргэҥҥэ аналлаах инсценировка туруоран көрдөрдүлэр. Бастыҥ артыыстарынан 3 этэрээт «Гранд», иккискэ — «Супер Стар» уонна 3 миэстэ «Теплые коты» таҕыстылар. Кыайыылаах этэрээттэр бары туоһу суругунан наҕараадаланныбыт.
Дима Нафанаилов, 6 кылаас, «Уолан» гимназия, Уус Алдан.