Кэбээйи улууһун И.Е.Левин аатынан Танара оскуолатыгар кылаастар икки ардыларыгар чиэппэр устата күрэхтэһии ыытыллар. Маныаха үөрэх, бэрээдэк, үөрэнээччилэр общественнай олоххо кыттыылара, араас куруһуоктарга дьарыктаналлара барыта көрүллэр. Чиэппэр бүтүүтэ кылаас рейтиҥэ тахсар.
Ол курдук, ааспыт 2022 сыл түмүгүнэн орто бөлөх кылаастарга кыайыылааҕынан VIII кылаас тахсыбыта, кылаас салайааччыта Кычкина М.П. Онон кинилэргэ уонна оскуолабыт көхтөөх оҕолоругар Бүлүү куоратыгар экскурсияҕа барарга путевка бэриллибитэ.
Н.Г.Чернышевскай аатынан педагогическай кэллиэс студпрофкома оҕолорго профориентационнай кэпсэтиини, экскурсияны ыыттылар. Устудьуоннар олохторун туһунан сиһилии кэпсээтилэр. Олоххо көхтөөх, ситиһиилээх буоларга көҕүлээтилэр.
Ксенофонтова С.Н., психолог
Кэбээйи улууһун И.Е.Левин аатынан Танара оскуолата