Төрөөбүт тыл күнүнэн kerdee.ru (көрдөө.ру) диэн саҥа сайт сүрэхтэннэ. «Сахамедиа» холдинг интернет ситимигэр баар бары сахалыы контены биир сиргэ хомуйар сыалтан көрдүүр (поисковик) уонна түмэр (агрегатор) сайты оҥордо. Манна, бастатан туран, араас сайтартан түмүллүбүт сахалыы тылынан сонуннар киирэллэр. Таһаарааччылар бэлиэтээбиттэринэн, интернет ситимигэр араас тиэмэлээх сахалыы видео элбэх эбит, холобур, ас астыырга, булка-балыкка сыһыаннаахтар. Ыллыан-туойуон баҕалаах дьон бу сайтка сахалыы караокены булуохтарын сөп. Сахалыы-нууччалыы тылбаас киирбитэ ааҕааччыга туһалаах буолуо. Маны таһынан, оҕолорго аналлаах контент, видео арааһа баар. Көр-күлүү, дьон бэйэтэ устубут видеота, киинэлэр эмиэ киирдилэр.
Саҥа сайт саха тыла туттуллар эйгэтин кэҥэтэр сыалтан тэрилиннэ. Сахалыы тыллаах бэчээт уонна иһитиннэрэр-көрдөрөр эйгэ матырыйаалларын, биирдиилээн дьон, блогердар таһаарыыларын көрдүүр строкаҕа суруйан барытын дэбигис булар, көрөр, ааҕар кыах үөскүүр.
Cайт: Көрдөө.ру
Презентация: https://youtube.com/live/D2DAAW03r_E?feature=share