Ньурба оройуонугар кэлбит 2023 сыл — олохтоох оҥорон таһаарыыны Сайыннарыы сыла биллэрилиннэ. Бу туһунан оройуоммут Аҕа баһылыга Иннокентьев Алексей Михайлович сылы түмүктүүр көрсүһүүтүгэр иһитиннэрбитэ.
Билигин биһиги дойдубут Арассыыйа аан дойду үрдүнэн хааччахха олорор. Америкаттан саҕалаан кыра Европа государстволарыгар тиийэ санкция биллэрбиттэрэ. Онон биһиги бэйэбит олохтоох оҥорон таһаарыыбытын сайыннаран бэйэ бородууксуйаны, табаардары оҥорорго уонна туһанарга дьулуһуохтаахпыт. Арассыыйа баай уонна кыахтаах дойду, онон маннык тэринии сөп уонна сатанар дии саныыбын.
Ааспыт сыл Ньурбаҕа Норуот көҕүлээһинин сыла буолан ааспыта. Элбэх дьон бэйэ дьарыктаах буолар наадалааҕын уонна барыыстааҕын өйдөөннөр, биисинэс бырайыактарын бэлэмнээбиттэрэ. Үксүлэрэ граан харчытын ылан үлэлэрин номнуо саҕалаабыттара.
Ньурбаҕа дьон бары эр ылан, сэргэхсийэн бэйэ дьыаланы тэринэргэ үчүгэй сыл ааста. Онтон дьэ, бу кэлэр сылбыт эмиэ үтүө түмүктэрдээх буолуо диэн эрэллээхпит уонна саарбаҕалаабаппыт.
Анжелина Жданова, “ЫЛЛЫК” эдкорпост Ньурба, Хаҥалас.