Бүгүн ахсынньы 18 күнүгэр биһиги Саха сирин делегациятыттан уон үс саамай активнай оҕолор, икки салайааччы — төрөппүт-наставник Мария Ильинична Васильева, Жатай орто оскуолатын советник директора Юлия Владимировна Татарченко уонна биһиги председательбыт Оксана Тагировна Михайлова дойдубут историятыгар киирэр тэрээһинигэр кэлэн кытта сылдьабыт! Ол эбэтэр, Россия үрдүнэн оҕолор уонна эдэр ыччаттар хамсааһыннарын маннайгы сийиэһигэр!
Бугун тэрэһин маннайгы кунэ. Оҕолор номнуо бэйэлэрин тректарынан, ол эбэтэр эрдэттэн талыллыбыт хайысхаларынан тарҕаһан үлэлии-хамсыы сылдьаллар. Кинилэр сийиэскэ Арассыыйа араас муннуктарыттан кэлбит тэҥ саастыылаахтарын, ыччаттары, педагоктары кытта опыт атастыһаллар, санааларын үллэстэллэр. Тэрийээччилэр бары кыттааччыларга бэртээхэй биир тэҥ форманы бэлэх ууннулар!
Сийиэс киэҥ хайысхалаах, барыта олус интэриэһинэй! Кэлэр көлүөнэбит сайдарыгар, сөптөөх суолу батыһан улаатарыгар бу тэрээһин улахан суолталаах!
Биһиэхэ күүс-көмө буолбут Республикабыт Үөрэх уонна наука министиэрстибэтигэр, «Навигаторы детства» региональнай офиспыт улэһиттэригэр, чуолаан Павлова Вера Николаевнаҕа, Макарова Нюргуяна Владимировнаҕа, биһиги партнердарбытыгар “Кэскил” оҕо бэчээтин кыһатыгар махталбытын тиэрдэбин.
Москва куораттан уруй — айхал буолуохтун!
keskil14.ru