Бу күннэргэ Саха сирин үрдүнэн -50 кыраадыска тиийэ тымныйан, актированнай күннэр буоланнар, эбиитин грипп ыарыы элбээн, оҕолор кэтэхтэн үөрэнэ олороллор.
Ороһу оскуолата бу нэдиэлэҕэ тымныынан сибээстээн дьиэбитигэр олорон үөрэнэ олоробут.
«Иэйиэхсит» оҕо бөлөҕүн группатыгар баар оҕолортон, дьиэҕэ төлөппүөн, көмпүүтэр иннигэр үөрэнэр кимиэхэ үчүгэйин, кимиэхэ соччото суоҕун ыйыталастым. Тус бэйэбин эттэххэ, оскуолаҕа паартаҕа олорон, эт кулгааххынан учуутал кэпсиирин, быһаарарын истэр быдан өйдөнүмтүө уонна бииргэ үөрэнэр кылааһыҥ оҕолорун кытта күннээҕи сонуҥҥун, Саҥа дьыл чугаһаабытынан былааннаргын кэпсэтэҕин.
Мин курдук этэр оҕолор элбэхтэр. Ол эрээри, дьиэлэригэр олорон куйаар ситиминэн үөрэнэллэрин сөбүлүүр оҕолор эмиэ бааллар. Тоҕо сөбүлүүллэрий? Бастатан туран, оскуолаҕа барар буоллаххына, эрдэ тураҕын, хомунаҕын-тараанаҕын, аны ыраах олорор буоллаххына, оскуолаҕа тиийиэххэр дылы эмиэ бириэмэ барар. Онтон дьиэҕэр олорон үөрэнэр буоллаххына, оронтон ойон тураҕын, бэрээдэктэнэ түһэҕин уонна көмпүүтэр иннигэр олорон үөрэнэн бараҕын. Онон чаас курдук эбии утуйарга бириэмэ баар.
Оҕолоор, онтон эһиги санааҕыт?
Алина Яковлева, 7 кыл. үөрэнээччитэ, «Тымтык» эдкорпост.