Оскуолабыт үөрэнээччилэрэ нэһилиэкпит бэтэрээннэригэр көмөлөһөллөр. Ол курдук, Айталина Семеновна Егорова салайааччылаах 8 кылаас үөрэнээччилэрэ бэтэрээннэргэ көмөҕө көхтөөхтүк кытталлар.
Күһүн хортуоска орооһунугар, саас олбуор ыраастааһыныгар, билигин кыһын хаар күрдьүүтэ , муус сааһылааһына. Ол курдук, педагогическай үлэ бэтэрээннэрэ Василий Прокопьевич, Валентина Ивановна Соломоновтарга хаардарын күрдьэн, муустарын сааһылаан бэтээрээннэрбит махталлара улахан.
Нэһилиэкпитигэр өр кэмҥэ баһылыгынан үлэлээбит Василий Прокопьевич: « Оскуолабыт 8 кылаас үөрэнээччилэрэ, салайааччы А.С. Егорова бэтэрээн учууталларга мууспутун сааһылаабыттарыгар махталбытын биллэрэбит, өрүү маннык көхтөөх, үтүө дьон буола улаатын», -диэн махталын биллэрэр.
Валя Спиридонова, 11 кылаас, «Кустук» медиастудия, Хапта5ай орто оскуолата