«Российское движение школьников» тэрийбит Сомоҕолоһуу күнүгэр аналлаах бүтүн Россиятааҕы акция үс араас көрүҥүнэн ыытыллар.
Олортон биирдэстэрэ «Из уст в уста» диэн ааттаах. Манна кыттааччы бэйэтин норуотун номоҕуттан сөбүлээбитин талан уруһуйдуохтаах. Уруһуй ханнык баҕарар ньыманнан оҥоһуллуон сөп.
Өлөөкө-Күөл орто оскуолатын 6-кылааһын үерэнээччилэрэ акцияҕа кыттан саха норуотун чулуу геройун — Майаҕатта Бэрт Хараны номохтортон ойуулаатылар. Уолаттар Майаҕаттаны олус биһирии истибиттэрэ, аахпыттара. Кини курдук сымса, күүстээх-уохтаах буолуохтарын баҕарбыттара.
Маннык акцияларга кыттан оҕо бэйэтин норуотун, атын норуот уостан уоска тиһиллэн кэлбит номохторун билэр, тэҥниир уонна бэйэтигэр иҥэринэн элбэххэ үөрэнэр.
И. Ноговицына,