Билиҥҥи олоххо IT- технологиялар ордук сайдан турар кэмнэрэ. Ол курдук, IT-хайысха диэн тугуй? IT диэн араас сайтар, сайт оҥоруута, программирование уо.д.а. IT-га үлэлиир дьон элбэх, ыарахан үлэлээхтэр.
-Дорообо! Бастатан туран, баһаалыста бэйэҕин билиһиннэриэҥ дуо?
-Дорообо, мин аатым Михаил Михайлович Оконешников. «Акселератор школьных проектов “ IT-Bootcamp” лааҕыр иккис сменатын тэрийээччитэ буолабын.
-«ITBootcamp» сменаҕа оҕолор туохха үөрэнэллэрий? Туох саҥаны билэллэрий?
-Уопсайынан, биһиги лааҕырбыт сүрүн сыала — IT-стартап ньымаларыгар үөрэтэбит. Туох кыһалҕалары көрсөллөрүн, туох ньымалар баалларын бастакыттан бүтэһик хардыыларыгар диэри технологическай стартап буоларыгар көмөлөһөн биэрэбит. 12 күн устата менеджмент-разработка, дизайн хайысхаларынан биһиги экспиэртэрбит, ментордарбыт ыйан- кэрдэн биэрэллэр. Хамаандалар, биһиги көмөбүтүнэн, «малый продукт» диэн таһаарыахтаахатар. Сарсын судьуйаларга дьүүлгэ тахсыахтара. Бэйэлэрин бизнес-продуктарын холобурдарын, «малый продукт» оҥороннор көмүскүөхтээхтэр.
-Смена устата оҕолор, хамаандалар тугу оҥордулар?
-Эппитим курдук, биһиэхэ смена устата икки хайысханан үлэ бара турар. Бастакытынан, ментордар. Ментордар — IT — хайысхаҕа, билиҥҥи туругунан, үлэлии сылдьар менеджмент, дизайнер, разработка уонна маркетинг специалистара. Ону таһынан, экспертэр бааллар. Биһиги экспиэртэрбит эмиэ IT хайысханан үлэлиир специалистар. Оҕолор толкуйдара — менеджмент, бизнес продукт, код, сайт оҥоруута — разработчик хайысхата. Оттон дизайн өттүнэн, UХ-чинчийии оҥороллор. Хайдах быһыылаах, дьүһүннээх буоларын бүтэһигэр барытын таһаарыахтаатар.
-Сыл устата төһө элбэх оҕо кэлэн дьарыктанарый?
-‘’IT-Bootcamp’’ уопсайа 1400 тахса кэриҥэ үөрэнээччи кыттыбыта. Тургутуу түмүгүнэн, оскуола акселераторыгар 70- ча үөрэнээччи ыҥырыллыбыта. Төһө кыалларынан, 40-тахса үөрэнээччи кэлэн кытта сылдьар.
-Маннык сменалары ыытар туох туһалаах дии саныыгыт дуо?
-Билиҥҥи турукка наадалаах дии саныыбын. Тоҕо диэтэххэ, олохпут туох баар хайысхатыгар киирдэ, син биир үлэҕэ, олоххо даҕаны туттарга киһи бэйэтэ да билбэт. IT хайысха баар буолан приложениелар, программалар бааллар. Олохпут барыта сайдан иһэр, биир сиргэ турбат. Инникитин өссө сахабыт сирэ, дойдубут күүскэ сайдан иһиэ диэн сыалтан-соруктан маннык тэриллэр.
-Кэнэҕиски ыччакка тугу баҕарыа этигит?
Түмүккэ эттэххэ, баҕарыам этэ үөрэнээччилэргэ, уопсайынан смена оҕолоругар бэйэҕит баҕаҕытынан дьарыктанын, үөрэниҥ. Инникигэ бэйэҕитигэр сөптөөх, туһалаах идэлэри баһыйыҥ, үөрэтиҥ. Олоххутуттан туох баар барытын ылан, сайдан иһиҥ. Баҕарбы баҕа санааҕыт барыта туолан истин. Барыта киһи баҕа санаатыттан тутулуктаах. Төһө баҕа санаатын олоххо киллэрэриттэн, кыаҕын ууран туран үлэлиириттэн. Үлэлииртэн куттанымаҥ, үлэ араас буолар.
-Кэпсэтии иһин махтал!
Алина Санникова, 8 кылаас,
«Медиа-ракета «Кэскил»