Алтынньы 22 күнүгэр Ньурба улууһун Акана орто оскуолатыгар актыбыыстар сүлүөттэрэ буолан ааста. Бу тэрээһини үөрэх салалтата, Акана оскуолата уонна «РДШ» хамсааһынын тэрийээччилэрэ иилээн-саҕалаан ыыттылар.
Хаҥалас, Акана, Чаппанда, Маар, Сүлэ оскуолалара, Ньурба гимназията, Техничэскэй лицей, Ньурба 2-с оскуолата уонна “Ньурба эрэллэрэ” хамаанда тэринэн көхтөөх кыттыыны ыллылар. Актыбыыс оҕолор мустаннар араас оонньуулары, дьарыктары, акциялары ыыттылар, кыттыстылар. Кинилэр 4 хайысханан үлэлээтилэр: военно-патриотическай, гражданскай актыыбынас, информационно-медийнай, личностнай сайдыы. Оҕолор араас роликтары, трениннары, семинардары тэрийдилэр. Лааҕырдарга, тэрээһиннэргэ сэргэхситэр, саататар аниматор буоларга эмиэ үөрэннилэр. Бэйэ-бэйэлэрин кытары билсэн, кэпсэтэн бириэмэлэрин биллибэттик атаардылар. Көрсүһүү олус интэриэһинэйдик ааста.
Бу күн актыбыыстары кытта Ньурба улууһун салалтатын эдэр ыччаты кытта үлэтин салайааччыта Валерия Владимирова көрүстэ. Кини оҕолор төрөөбүт, улааппыт дойдуларыгар патриот буолуохтаахтарын уонна үөрэхтэригэр кыһаллан, үөрэнэн дойдуларын сайдыытыгар бэйэлэрин кылааттарын киллэрэллэригэр баҕарарын ыллык тыл эттэ. Онтон улуус салалтатын өттүттэн көхтөөх, сайдыылаах, ситиһиилээх оҕолору өйөөһүн баар буолуо диэтэ.
Арассыыйа оскуолаларын оҕолорун хамсааһынын уонна Саха сирин “Дьулуур” оҕо тэрилтэтин Ньурба оҕолоро өйүүллэр уонна итиннэ кыттыһаллар. Ону актыбыыс оҕолор бу күн мустан туоһулаатылар.
Анжелина Жданова, «Ыллык» эдкорпост, Ньурба