Оскуолабытыгар араас тэрээһиннэр, интэриэһинэй куруһуоктар тиһигин быспакка ыытылла тураллар. Күндү ааҕааччыларга тэттик сонуннарбытын сырдатыахпыт. Үөрэх саҕаланыаҕыттан оскуолабыт буфета үөрэнээччилэри күҥҥэ иккитэ битэмииннээх, сибиэһэй аһынан босхо аһатар. Хортуоска, хаппыыста уонна атын оҕуруот аһа оскуолабыт оҕуруотугар үүннэриллибитэ.
Бэһис кылаастарга география уруогар күн ситимин (Солнечная система) моделын хомуйаллар. Бу модель планеталар төһө ыраах сыталларын, кээмэйдэрин билэллэригэр көмөлөһөр.
Флейлистар бөлөхтөрө тэриллэн үлэлээбитэ быйыл үһүс сыла. Эрдэ оонньуу үөрэммит оҕолор саҥа дьарыктанан эрэр оҕолору үөрэтэн салайааччыларыгар көмөлөһөллөр.
Үһүс кылаас үөрэнээччилэрэ паарталарын сууйан, кылаастарын быыллаан генеральнай уборка оҥордулар. Сибэккилэрин бэйэлэрэ бүөбэйдээн үүннэрэллэр. Кылаас салайааччыта Татьяна Александровна Павлова.
Оонньуу көмөтүнэн оҕо сатыыр дьоҕурун, билэр баҕатын угуйуу. Эбии дьарыкка опыт оҥоруу түгэннэрэ.
Шашка, шахмат оҕо толкуйдуур дьоҕурун сайыннарар. Перемена кэмигэр, сынньалаҥҥа оонньуулларын оҕолорбут наһаа сөбүлүүллэр.
11 кылаас уолаттара аны саас банкеттарыгар тутталларыгар анаан дьоҥҥо үлэлээн харчы оҥостоллор.
Хас бэнидьиэнник аайы кылаастарга араас темаҕа «Разговор о важном» ыытыллар.
Оскуола эр дьоно муус ылыытын субботнигар. Бу ылыллыбыт муус бөһүөлэк кырдьаҕастарыгар уонна оскуола буфетыгар тиэллиэҕэ.
Оттон эһиги оскуолаҕытыгар туох сонун баар?
Арыылаах орто оскуолатын пресс киинэ,
Дьааҥы.