-Дорооболоруҥ, уолаттар! Билигин эһигиттэн аҕыйах боппуруостары ыйытыахпыт. Биһиги, эһигини кытта тэҥ сменаҕа сылдьабыт, онон ааҕааччыларбытыгар сырдатыахпытын баҕарабыт.
-Мин аатым Айаал Григорьев, М. К. Аммосов аатынан ХИФУ лицейын 11 кылааһыгар үөрэнэбин, «Bims» хамаанда кыттааччытабын.
-IT-смена хайдах ааһан иһэрий?
-Барыта үчүгэй. Бырайыакпытын сатаан салҕаабакка сылдьыбыппытын, учууталларбыт сайыннарарга көмөлөстүлэр. Кинилэр сүбэлэригигэр тирэҕирбит буоламмыт, сайтпыт сатанна. Ол онтон олус астына сылдьабыт.
-Бырайыаккыт туһунан кыратык кэпсээ?
-Биһиги бырайыакпыт “Сыбаайба тэрийээччи” сайта буолар. Сүрүн суолтата — дьон харчытын уонна бириэмэлэрин кэмчилээһин. Сайтпытыгар киирэн банкет саалатын, ырыаһыттары уонна тамаданы талыахха сөп буолар. Испииһэк бүппүтүн кэнниттэн тэрээһин сыаната уонна тэрийээччилэр нүөмэрдэрэ көстөн кэлэр. Түмүгэр эрийэн чуолкайдыыгын. Сайтпыт таҕыстаҕына, ааҕааччылары сыбаайбаҕытын оҥотторооруҥ диэн ыҥырабын.
-Эрсан Борисов диэммин, Уус-Алдан улууһун Өспөх орто оскуолатын 11 кылааһын үөрэнээччитэбин. Сменаҕа кэлэн баран соһуйбутум — маннык дьиэлэр баалар эбит дуу диэммин. Бастаан бырайыакпытын куһаҕан диэбиттэрэ. Ону биһиги Интрекс диэн рецептар сайтара гына уларыппыппыт.
-Мин аатым Николай Скрябин, Өктөм лицейын 10 кылааһын үөрэнээччитэбин. Ахсыс сылбын интернакка олоробун. Төрдүс сылбын сайт оҥоруунан дьарыктанабын. Сменабыт олус үчүгэйдик ааһан эрэр: сарсыарда ахсын офиска үлэлиибит. Сайт-электроннай сурунаал оҥоробут. Виртуальнай валютанан саҥа курс ылыаҕын сөп.
-Сэргэх кэпсээҥҥит иһин махтал!
Гульнара Тобохова, Илона Руфова, Ксения Семенова