Бүгүн СӨ Наука аччыгый академиятын лааҕырыгар IT-хайысхатыгар дьоҕурдаах оҕолору өйүүр «ITBootcamp» смена арыллыытын өрөгөйдөөх чааһа буолан ааста.
Манна ыраах, чугас улуустартан оҕолор кэллилэр. Хас биирдии хамаанда аныгы олоҕу сайыннарар айар бырайыак оҥорооһуна — сүрүн соруктартан биирдэстэрэ.
«ITBootcamp» инвестордара бастыҥ хамаандаҕа материальнай көмө биэрэллэрин уонна дизайнер, разработчик, менеджер үлэлэрэ туспа наҕараадаланалларын туһунан кэпсээтилэр.
Тэрээһин бүтүүтүгэр бары уопсай хаартыскаҕа түспүппүт. Маннык хабааннаах, оҕоҕо улахан өйөбүл буолар тэрээһин баарын билэн олус үөрдүм, сэргээтим.
Илона Руфова, IX кылаас,
«Медиа-ракета «Кэскил» иитиллээччитэ.