Орто Халыма улууһун Г. Г. Софронов аатынан Өлөөкө Күөл орто оскуолатыгпр «Эдэр корреспондент» пост ситиһиилээхтик үлэлиир. Кинилэр көмүс дуйдаах күһүннэрэ хайдах ааспытын, ханнык тэрээһиннэргэ кыттыбыттарын туһунан сырдаттылар.
«Күһүҥҥү киһи күлбүтүнэн» дьаарбаҥка
Балаҕан ыйын 23 күнүгэр биһиги дьаарбаҥкалаабыппыт, онно элбэх оҕо, төрөппүт баара. Кэлбит дьон бары үөрэ-көтө сылдьаллара. Ийэлэрбит наһаа элбэх ас астаабыттар этэ.
Дьаарбаҥкаҕа саамай үчүгэйдик иккис кылаастар тэриммиттэр этэ. Дэлэҕэ буолуо дуо, кинилэр кыайыылаах буолбуттара. Иккис миэстэни онустар ылбыттара. Оттон төрдүс кылаастар — үһүс миэстэ буолбуттара.
Биһиги кылааспыт атыытыгар араас өҥнөөх орешка, бэчиэнньэ, отон, хаас — ас эгэлгэтэ элбэх этэ.
Мин санаабар, маннык дьаарбаҥканы өссө кыһын ыытыахха сөп. Онно тоҥ балык, кыыл этэ атыыланыа этэ. Оннук дьаарбаҥкаҕа өссө элбэх киһи сылдьыа этэ дии саныыбын.
Аполлон Винокуров, 5 кылаас
Оҕуруот аһын куонкуруһа
Балаҕан ыйын 22 күнүгэр оҕуруот аһын куонкуруһа буолбута. Бастакы куонкурус «Чудо из огорода» диэн этэ. Манна араас быһыылаах—таһаалаах оҕуруот астара кыттыбыттара: арбайбыт моркуоптар, араас быһыылаах хортуоскалар остуолга кэккэлэммиттэрэ. Мин үүннэрбит оҕурсуум бу куонкурус кыайыылааҕа буолбута.
Иккис куонкурус «Картошка—гигант» диэн этэ. Оҕолор оҕуруоттарыттан саамай улахана диэбиттэрин аҕалбыттара. Бэрт элбэх кыттааччыттан 6 кылаас үөрэнээччитэ Мирик Винокуров кыайбыта. Аҕалбыт хортуоската 620 гр. ыйааһыннааҕа.
Эһиилги куонкуруска өссө элбэх оҕо кыттыаҕар баҕарабын!
Сааскылаана Бубякина, 5 кылаас
«Күһүн уобараһа» куонкурус
«Күһүн уобараһа» куонкуруска 1-11 кылаастартан биирдии кыыс кыттыбыта. Кыргыттар күһүн уобараһын сайынын үүннэрбит сибэккилэринэн, оҕуруот аһынан, күһүҥҥү сэбирдэхтэринэн оҥорбуттар этэ.
Кыргыттар көрөөччүлэргэ хааман эрэ көрдөрбөккө, өссө айбыт уобарастарын кимниин тугунан оҥорбуттарын кэпсээбиттэрэ.
Кыайыылааҕынан 9 кылаас үөрэнээччитэ Жданна Созонова «Ангел осени» диэн уобараһа буолбута. Иккис миэстэни 5 кылаас үөрэнээччитэ Эмилия Заболоцкая, үһүс миэстэни 1 кылаас үөрэнээччитэ Захарова Люсина, минньигэс бэчиэнньэттэн уобараһа, ылбыттара.
Сааскылаана Бубякина, 5 кылаас
Видеороликтар куонкурустара
«Мин сайыны туһалаахтык атаардым» диэн дьиэ кэргэнинэн видеоролик куонкуруһа буолбута. Онно 20-чэ видеоролигы көрбүппүт.
Ньургустаан уонна Дьулустаан Кирилловтар видеороликтара бастаабыта, иккис Архелия уонна Федор Бережнов , оттон үһүс Тихонова Ангелина буолбуттра.
Мин бииргэ үөрэнэр доҕорум Сааскылаана Бубякина видеоролигын сөбүлээбитим. Онно кини отоннообутун, дьэдьэннээбитин, тииҥчээни хаартыскаҕа түһэрбитин, элбэх клубниканы олорпутун туһунан көстөрө.
Аны сайыҥҥы сынньалаҥмын кинилэр курдук туһалаахтык атаарыаҕым.
Айнура Захарова, 5 кылаас