Андрей Петрович Павлов аатынан Сунтаар орто оскуолатын үөрэнээччилэрэ, аһылык буһарар куруһуок «Юный повар» уонна «Эрэл» оҕо хамсааһынын чилиэттэрэ кэлэн иһэр Бүтүн Арассыыйатааҕы Аҕа күнүнэн тапталлаах, убаастабыллаах учууталларын, оскуола үлэһиттэрин эҕэрдэлээтилэр.
Бэйэлэрин баҕа санааларынан эр дьоҥҥо анаан бутерброд оҥорон бэлэх ууннулар. Оскуолабыт аҕалара олус үөрдүлэр, оҕолорго махталларын тириэртилэр. Афанасий Спиридонович Матвеев, оскуола директора, аҕа диэн хайдах киһи буолуохтааҕын туһунан кэпсээтэ, оҕолорго сүбэ-ама биэрдэ.
Кэлэн иһэр бырааһынньыгынан Сахабыт сирин аҕаларын итиитик-истиҥник эҕэрдэлиибит!
Оскуола медиа-киинин эдкордара.