Балаҕан ыйын 27 күнэ дойдубутугар иитээччилэр күннэрэ. А.П. Павлов аатынан Сунтаар бастакы нүөмэрдээх орто оскуолатын иһинэн «Күбэйэ» оскуола иннинээҕи саастаах оҕолорго анаммыт бөлөх үлэлээбитэ номнуо 8 сылыгар барда.
Иитээччилэри идэлээх күннэринэн эҕэрдэлээн дириэктэри солбуйааччы Лилия Петровна Попова сарсыарда бииргэ үлэлиир кэллиэгэлэрин эҕэрдэлээтэ.
Оскуолабыт 3, 4 кылаас үөрэнээччилэрэ уһун переменаҕа эмиэ иитээччилэрин көрүстүлэр. Бэйэлэрэ открытка оҥорон, эҕэрдэ тыл этэн туттардылар. Бу оҕолор кыра эрдэхтэриттэн «Күбэйэ» оскуола иннинээҕи саастаах оҕолор бөлөхтөрүгэр сылдьыбыттара. Салгыы 11 кылааска дылы манна оскуолаларыгар үөрэнэр былааннаахтар.
Оскуолабыт иитээччилэрин Лена Дмитриевна Габышеваны, Валентина Михайловна Яковлеваны, Мария Дарьяновна Семенованы, Надежда Алексеевна Андрееваны идэлээх күннэринэн өссө төгүл итиитик-истиҥник эҕэрдэлиибит!
Анисия СЕМЕНОВА, 8-а кылаас үөрэнээччитэ, юнкор.
Сунтаар сэл.