Ыһыах ыытыллар сирэ ыраас буолара волонтёрдартан тутулуктаах. Волонтёрдар аныгылыы, сахалыы анал таҥастаах үлэлээтилэр. Олоҥхо ыһыаҕар волонтёрунан үлэлээбит Эрчимэн Яковлевы кытта көрсөн кэпсэттим.
Эрчимэн быйыл Үөһээ Бүлүүтээҕи 4-с нүөмэрдээх оскуоланы бүтэрбит.Үлэлэрин сарсыарда 8 чаастан саҕалыыллар эбит. 15-16 оҕо 4 этэрээккэ хайдыһан үлэлээтилэр, хас биирдии этэрээт хамандыырдаах. Хамандыыр дьаһалынан үлэ бэриллибит бириэмэҕэ дылы тохтоло суох үлэлээтилэр. Кинилэр хорчуоппаттан парковкаҕа дылы ыраас буолууну хааччыйдылар. Муспут бөхтөрүн аналлаах миэстэтигэр илдьэн иһэллэр. Ону таһынан, түһүлгэҕэ баар маллар ыһыллыбыт буоллахтарына миэстэлэрин буллараллар.Онон ыһыахтыыр сир мэлдьи ыраас буолла. Ыһыах бүппүтүн кэнниттэн волонтердарга барыларыгар махтал сурук туттардылар. Эрчимэн психолог идэтин баһылыыр былааннаах.Киниэхэ талбыт идэтинэн үөрэнэригэр баҕарыаҕыҥ!
Валерий Ласточкин
«Тымтык» корпост,
Ороһу