Биһиги өрөспүүбүлүкэбит араас кэмнэргэ элбэх түбэлтэни көрүстэ: репрессия, судаарыстыба арахсыыта, баһаар, уу, халаан содулларын. Ол да буоллар өрүү сайда турар: араас хайысхалаах оскуолалар, научнай-техническай кииннэр, түмэллэр сыл ахсын элбииллэр. Оҕо лааҕырдара, хас биирдии киһи интэриэһигэр эппиэттиир сынньалаҥ кииннэрэ тэриллэллэр.
Мин төрөөбүт, тапталлаах өрөспүүлүкэм 100 сылынан интерактивнай өттүнэн сайдыа: түргэн сырыылаах эко-мобиллар, гидротехника баар буолуо. Квадрокоптер нөҥүө табаарыстарбытын кытта көрсөр кыахтаныахпыт. Уу, сир, халлаан урдунэн барытынан айанныыр кыахтаныахпыт.
Зоотехника нөҥүө атын боруода кыыллар баар буолуохтара. Вакуумнай тоҥоруу көмөтүнэн киһи өлбөт кыахтаныа. Туох баар ыарыыттан барытыттан эмп айыахтара.
Ол тухары айылҕаны-тыаны харыстыыр сыалтан тэтэрээт, кинигэ диэн суох буолуо, барыта интерактивнай, бу баардыы иннигэр үөскүүр (зона реализма) үөрэнэр кинигэлэр айыллыахтара.
Хас биирдии дьиэ кэргэҥҥэ экологическай зоо-муннук баар буолуо. Болкуоннарбыт барыта мини-сад буолуохтара. Бөх-сах диэн суох буолуо, барытын туһаҕа оҥорон таһааран эко-заводтар баар буолуохтара.
Мин тапталлаах өрөспүүбүлүкэм климата, айылҕата төрүт алдьанымыан, уус-уран тылынан саҥарыы, илиинэн искусство аччаабакка сайда уонна элбии туралларыгар баҕарабын!
Агата Христофорова,
VII «А» кылаас
А. И. Софронов аатынан
Ытык Күөл I №-дээх оскуолата,
Таатта.