Быйыл Саха АССР төрүттэммитэ 100 сылыгар Арассыыйа бэрэсидьиэнэ Владимир Путин көҕүлээбит «Үөрэхтээһин» национальнай бырайыагын чэрчитинэн өрөспүүбүлүкэҕэ 990 миэстэлээх саамай улахан оскуоланы тутуу олоххо киирэрэ былааннанар. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрдэ.
«Оскуола Дьокуускайга «Прометей» микрооройуоҥҥа бүддьүөт таһынааҕы тутааччы харчытын суотугар тутуллар. Бүгүҥҥү күҥҥэ тутуу бэлэмэ 75%-ҥа тэҥнэһэр. Саҥа оскуола аһыллыыта киин куорат биир улахан оройуонугар уопсай үөрэх тэрилтэтин ноҕоруускатын намтатыаҕа», — диэн иһитиннэриигэ этиллэр.
59 тыһыынчаттан тахса квадратнай миэтэрэ иэннээх дьиэ биэс блоктан турар. Үөрэх кэбиниэттэрин таһынан спортивнай, актовай саалалар, остолобуой, оонньуур, сынньанар сирдэр, мастырыскыайдар бааллар.
Билиҥҥи үөрэххэ туттуллар бары туттар тэрил атыылаһыллыбыта бэлиэтэннэ. Билигин нарылыыр үлэлэр бараллар, хочуолунай уонна инженернэй ситимнэр тутуллан үлэҕэ киирдилэр.
Саҥа оскуола балаҕан ыйын 1 күнүгэр үлэҕэ киирэрэ былааннанар.