Хаҥалас улууһун М.Е. Васильева аатынан 2-с Малдьаҕар орто оскуолатын үөрэнээччилэрэ тэттик киинэлэри усталлар. Бүгүн биһиги «Кэскил Медиа Продакшн» Yotube канаалбытыгар «Микробтар» диэн билиҥҥи олохпутугар сөп түбэһэр, оҕо бэйэтин доруобуйатын көрүнэ сылдьарыгар аналлаах киинэни сүрэхтиибит.
М.Е. Васильева аатынан 2-с Малдьаҕар орто оскуолатын эбии үөрэхтээһин педагога Надежда Громова киинэ туһунан билиһиннэрэр:
— «Микробтар» диэн киинэҕэ оҕолор илиилэрин мыылалаах уунан сууна сылдьалларыгар үөрэтэр. Оруолларга 5 кылаас үөрэнээччилэрэ Дарианна Григорьева, Ариана Тимофеева, Алина Аммосова оонньоотулар. Идеятын оҕолор бэйэлэрэ толкуйдаатылар, киинэбит олус түргэнник уһулунна. Инникитин өссө араас киинэлэри устар баҕа санаалаахтар.
Оҕолор устубут тэттик киинэлэрин көрүҥ, истиҥ, сэргээҥ!