От ыйын 4 күнүгэр Николай Чусовской аатынан Антоновка орто оскуолатын 20 -с кыһыл мэтээлинэн бүтэрбит Николаева Аняҕа Анал бириэмийэтин үөрүүлээх быһыыга-майгыга туттарылынна. Үгэскэ киирбит саас буолар Анал бириэмийэлэр күннэригэр Степа Герасимов аатынан естесственнай хайысхаҕа үрдүк ситиһиилэрин иһин уонна аймахтарын анал бириэмийэлэрин лауреата буолбута. Үһүс Анал бириэмийэннэн Аняҕа медалистар бастакы туоһу суруктарын ылла. Э5эрдэ кэс тылларын эттилэр Октябрьскай нэһилиэк Аҕа баһылыга Корякин Семен Александрович, Антоновка оскуолатын бүтэрбит кыһыл көмүс медалистар ааттарыттан “Яннамед” дьиэ кэргэн медицинскэй клиника салайааччыта Светлана Яновна Яковлева, Антоновка оскуолатын краеведческай түмэлин салайааччыта Захарова Прасковья Михайловна, Антоновка оскуолатын иитэр-үөрэтэр үлэҕэ директоры солбуйааччы Иванова Алена Афанасьевна, олук уурбут алын сүһүөх учуутала Тихонова Наталия Николаевна, кылааһын салайааччыта Гаврильева Феодосия Степановна уонна сүүрэн-көтөн үлэлэспит предметник учуутала Тимофеева Светлана Михайловна.
Ону кытта Светлана Яновна көҕүлээһининэн фонд золотых медалистов тэриллибитин туһунан уонна дьулуурдарын туоһулуур 19 оҕо үрдүк үөрэхтэрин туйгуннук бүтэрэн араас хайысхаларга ситиһиилээхтик үлэлии-үөрэнэ сылдьалларын кэпсээтэ. Бастакы медалистарбыт Иванова (Иннокентьева) Марианна Михайловна уонна Копылова Анна Николаевна 1977 сыллаахха бүтэрбиттэр. Марианна Михайловна Хабаровскай пед.институт филфак салаатын туйгуннук бүтэрэн төрөөбүт оскуолатыгар үлэлээн Саха Өрөспүүбүлүкэтин Үөрэҕии туйгуна, “Учууталлар учуутталлара” аат хаһаайката, Арассыыйа Федерациятын Үөрэҕириитин Буочуотунай үлэһитэ уо.д.а.
Анна Николаевна Хабаровскай политехническай институту бүтэрэн Бюро технических инветаризации үлэлээн салайааччыга тиийэ үүнэн, Росреестр, Бырабыытылыстыба, Хабаровскай кыраай губернаторын махтал суруктарын, Бочуотунай грамоталарын ылбыта. Семен Александрович ол быыһыгар Антоновкаттан төрүттээх Ньурбаҕа, Дьокуускайга Егоров Станислав Карлович (АГИКИ), Корякина Александрина Семеновна (НТЛ им. А.Н. Чусовского), Муксунова Уйгууна Васильевна (НТЛ им. А.Н. Чусовского), Николаева Ева Германовна (ФТЛ им. В.П. Ларионова), Яковлева Светлана Яковлевна(Саха гимназията) кыһыл мэтээлинэн бүтэрбиттэрин туһунан аҕынна.
Кылгастык билиһиннэрэр буоллахха Антоновка орто окуолатын Анал бириэмийэтэ 1992 сыллаахха Саввинов Дмитрий Дмитриевич Ньурбаттан төрүттээх улахан учуонайбыт бастакы үс бириэмийэни – “Наука эрэлэ” уолун Максим Саввинов аатынан Степа Герасимовка, Вероника Чумпуроваҕа уонна бастакы учууталын Рожин Н.Ф. аатын үйэтитэн — Николаева Мария Герасимовнаҕа туттарбыта оскуолабыт 80 сылыгар, онтон 1997сыллаахха 85 сылыгар… 1999 сылтан ол сахха баһылыктаан олорбут Самсонов Семен Иванович көҕүлээһининэн Антоновкаҕа убаастанар ыаллар оҕолорун кэпсэтэн, дьоммутун үйэтитиэххэ диэн сыл аайы ситиһиилээх үөрэнээччилэргэ, үлэһиттэргэ туттарыллар буолбута. Номнуо 29 сыл ааһа охсубут. Ол тухары 700 тахса о5о, үлэһит дьон Анал бириэмийэ туппут эбит. Эһиилги үбүлүөйдээх сылы көрсө Антоновкабыт оскуолатын кыһыл уонна үрүҥ мэтээлинэн бүтэрбит үөрэнээччилэрбит ахтыыларын хомуйан, кимнээххэ анаммыт анал бириэмийэлэр бэриллэллэрин туһунан сэргээн туран кинигэ бэлэмнэнэн тахсара күүтүллэр. Антоновка орто оскуолатын кыһыл мэтээлинэн бүтэрбит үөрэнээччилэрбитигэр махталбытын биллэрэбит уонна тиһигин быспакка Анал бириэмийэ мэтээл ылбыт оҕолорго бэриллэ туруоҕа. Түмүкпэр быйылгы үөрэх дьылыгар барыта 52 анал бириэмийэ туттарылынна.
Туяра Фокина, оскуола “Сырдык” пресс-киинин салайааччыта.