Күн бүгүн биһиги нэһилиэкпитигэр оскуола уонна олохтоох коммунальнай хаһаайыстыба (ЖКХ) эр дьоно түмсэн, улахан суолталаах үтүө дьыаланы олоххо киллэрдилэр. Ол курдук, Аҕа дойду сэриитин оҕолоругар (дети войны) уонна Анал байыаннай дьайыы (СВО) бэтэрээннэригэр кыһыҥҥы уу күүтүүлээх ыраас мууһун ылан, дьиэлэригэр тиэрдэн көмө буоллулар.
Бу күн бочуоттаах олохтоохторбутугар – Сэрии оҕолоругар Степанида Гаврильевнаҕа, Пантелеймон Григорьевичка уонна Анал байыаннай дьайыы бэтэрээннэригэр Макс Яковлевка, Максим Васильевка, Владимир Кириллиҥҥа, Стас Танхаровка эр дьон кыахтаах үлэлэринэн күүс-көмө буолбуттара улахан суолталаах.
Ыарахан үлэттэн толлубакка, биир сомоҕо буолан ис дууһаларыттан көмөлөспүт убаастабылллаах эр дьоммутугар барҕа махталбытын биллэрэбит! Эһиги үтүө үрүҥ үлэҕит – эдэр көлүөнэҕэ кырдьаҕастары убаастааһын уонна патриотизм тыыннаах холобура буолар. Сүүрэр-көтөр үөрүү, ситиһии эрэ арыаллаатын!
Н.И. Прокопьев аатынан Хатыы орто оскуолата