Сэтинньи 13 күнүгэр оскуолабытыгар Михаил Ефимович Николаевка аналлаах кылаас чааһын ыыттылар. Саха Өрөспүүбүлүкэтин историятыгар Михаил Ефимович Николаев аата умнуллубаттык суруллубут.
Кини өрөспүүбүлүкэ бастакы Бэрэсидьиэнэ буоларын быһыытынан, Саха сирин сайдыытыгар олук уурбут, кэскиллээх дьаһаллары ылыммыт киһи. Онон оскуола оҕолоругар кини олоҕун, үлэтин-хамнаһын билиһиннэрэр кылаас чааһа улахан суолталаах.
Маннык тэрээһин сүрүн сыалынан оҕолорго бэйэлэрин дойдуларын историятыгар интэриэһи үөскэтии, Михаил Ефимович холобурунан патриотическай тыыҥҥа иитии буолар.
Үөрэнээччилэргэ кини олоҕун сүрүн түгэннэрин, оҕо сааһыттан саҕалаан бэрэсидьиэн буолбут кэмигэр диэри кэпсээтилэр, билиһиннэрдилэр. Кини тыа хаһаайыстыбатын сайыннарыыга, култуураны өйөөһүҥҥэ, үөрэхтээһиҥҥэ, чөл олоххо киллэрбит кылаата арыллар.
Михаил Ефимович бырайыактарыттан биһиги оскуолабытыгар «Рисуем все», «Музыка для всех» бырайыактар ситиһиилээхтик үлэлииллэр. Оҕолор уруһуйдарынан быыстапка турбутун сэргии көрдүбүт. Михаил Ефимович этэн хаалларбыт тылларын ааҕан санаа үллэстиитэ буолла.
Бу кылаас чааһын кэнниттэн оҕолор Саха сирин историятын, биир Улуу киһибит туһунан элбэҕи биллибит.
Күндүүнэ ЕГОРОВА, VIII кылаас,
М.Н. Готовцев аатынан Танда орто оскуолата, Уус Алдан
Туйаара Мамонтова хаартыскалара, Х кылаас