Валерия Борисова, М.К. Аммосов аатынан ХИФУ иһинэн үлэлиир «Арктика лингвистическай экологията» лаборатория научнай улэһитэ. «Сөбүлүүр дьыалыбынан дьарыктана сылдьарым – мин саамай улахан ситиһиим» — диэн кини киэн тутта кэпсиир.
Валерия саха тылын чинчийэр баҕата Өрөспүүбүлүкэтээҕи лиссиэйгэ үөрэнэ сылдьан онус кылаастан саҕаламмыта. Оччолорго научнай үлэни талар кэм кэлбитигэр, кини саха тылыгар актуальнай теманы буларга санаммыта.
Саха тылыгар «уус» терминологията ситэ үөрэтиллэ илигин билэн, бу хайысханы талан ылбыта.
«Оччолорго, саха тылын лексиката үчүгэйдик үөрэтиллэ элик диэн эппиттэрэ, чуолаан «уус» терминнара диэн. Университетка сылдьан дипломнай суруйбутум, Саха тылын уонна Турок тылыгар баар иис-уус терминнарын тэҥнээн көрбүтүм», – диэн Валерия үллэстэр.
Экспедицияларга сылдьан, өрөспүүбүлүкэ араас муннуктарыгар тиийэн матырыйаал хомуйарын кини сүрдээҕин астынар эбит. Бу саамай сөбүлүүр эйгэтэ буолар.
«Наукаҕа барарбар миэхэ саамай улахан оруолу оскуолатааҕы учууталларым оонньообуттара диэххэ сөп. Уонна лиссиэйи бүтэрбит Игорь Данилов «Наукаҕа барын оҕолор, саха тылыгар актуальнай тиэмэ бөҕө баар, бу эһиэхэ бассар» диэн этиитэ оруолу оонньообута. Онтон ыла бу наука эйгэтигэр киирэн саҕалаабытым. Бэйэбин наука эйгэтигэр саҥа киирэ сылдьабын диэххэ сөп. Тоҕо диэтэххэ оҕолорго тьютордаабытым, бу лабораторияҕа үлэлээбитим бастакы сыла.»
Валерия бэйэтин үлэтигэр умсугуйан туран үлэлиир, ону саамай улахан ситиһиитинэн ааҕар. «Сөбүлүүр дьыалыбынан дьарыктана сылдьарым саамай улахан ситиһиим буолар» — диэн этэр.
«Науканан баҕалаах эрэ киһи баҕаран туран дьарыктаныан сөп ди саныыбын», – диэн кини эдэр чинчийээччилэргэ сүбэлиир.
Карина СИВЦЕВА, «Кэскил» оҕо пресс-киинин юнкора