Наука дьоҕус академиятын (МАН) ЯМИШ сменатыгар сылдьарым туһунан кэпсиэхпин баҕардым.
Мин манна саамай сөбүлээбитим диэн – мин сырдатар хамаандам «Лингвокогнитивный анализ рекламных текстов» бырайыак оҕолоро. Кинилэр олус үчүгэйдэр, интэриэһинэйдэр. Аҕыйах кэм иһигэр биһиги бэйэ бэйэбитин өйдөһөр хамаанда буоллубут. Салайааччыларбыт уонна тьютордарбыт биһиэхэ бары көмөлөһө сатыыллар.
Бииргэ үлэлиир медиа хамаандам сүрэхпэр хаалыахтара. Маннык аһаҕас, эйэҕэс оҕолору олохпор көрсүбэтэҕим. Улахан махтал бииргэ үлэлиир коллективпар.
ЯМИШ смената – мин олохпор умнуллубат түгэн. Мин манна элбэх билиини ыллым, саҥа доҕоттордоннум.
ЯМИШ сменатыгар билсибит доҕотторбун уонна манна ылыбыт уопуппун умнуом суоҕа. «Кэскилгэ» улахан махтал бу сменаны сырдата ыҥырбыккытыгар.
Карина СИВЦЕВА, «Кэскил» оҕо пресс-киинин юнкора