ЯМИШ смена кыттыылаахтара «Лингвокогнитивный анализ рекламных текстов» диэн хайысхаҕа үлэлииллэр. Бу бырайыак хайдах бара турарын, туох ситиһиилэрдээхтэрин уонна инникитин тугу былаанныылларын туһунан тьютор Валерия Борисова кэпсээтэ.
Валерия Борисова, «Лингвокогнитивный анализ рекламных текстов» хайысха тьютора:
— Билиҥҥи туругунан оҕолор социальнай анкета толкуйдаан оҥордулар. Бүгүн уонна бэҕэһээ көннөрдүбүт, билигин эппиэттэри хомуйа сылдьабыт. Элбэх эппиэт кэлбитин кэннэ дааннайдары анализтаан саҕалыахпыт. Ону таһынан оҕолор плакат толкуйдаатылар. Пост, реклама, слоган оҥоруутун таһынан, толору рекламаны айдылар. Холобур, бүгүн төрдүс плакат идеятын кэпсэттибит. Бу бүгүҥҥү мозговой штурм түмүгэ буолар. Инникитин социальнай ыйытыы эппиэттэрин хомуйуохпут. Google форматыгар оҥорбут буоллахпытына, элбэх дьону хаарыйар кыахтаах онлайн ыйытыы буолар. Ол эппиэттэр киирэллэрин күүтэбит. Өссө рекламалары ырытыахпыт. Оҕолор кыралаан ситиһэн эрэллэр. Бүгүн бырайыакпыт научнай көрүүтүн (видение) суруйуохтаахпыт.
Карина Сивцева, VIII кылаас,Ф.Г Охлопков аатынан Майа орто оскуолата