Бүгүн, от ыйын 15 күнүгэр, эдэр чинчийээччилэр үлэлээбиттэрэ иккис күнэ. Бу күн устата эдэр экологтар тугу ситистилэр?
Оҕолор Өктөм нэһилиэгэр баран, быһыттан чинчийэр ууларын ыллылар. Ол кэннэ Билим Дьоҕус академиятыгар кэлэн, ууну ыраастыыр тэрили кытта билистилэр уонна бэйэлэрэ хомуйдулар. Салгыы боруобаҕа ылбыт ууларын ыраастаатылар, сиидэлээтилэр, дьоҕус кыымынан тыгыыны 3D көмөтүнэн кэтээн көрдүлэр.
Билим Дьоҕус академиятыгар экомониториҥҥа наадалаах тэрил олус үчүгэй уонна саҥа. Онон, оҕо үлэлииригэр, чинчийэригэр олус туһалаах уонна көмөлөөх.
Эдэр эколог Антон Колесов үлэтин туһунан бэрт сэргэхтик сырдатта. Кини кирдээх ууну ыраастааһыны олус сэҥээрдэ, барытын болҕойон көрдө. Антоҥҥа чинчийэр үлэтигэр үрдүк ситиһиилэри баҕарабыт.
Лилиана Попова, Ф.Г. Охлопков аатынан Майа орто оскуолата,
«Кэскил» оҕо пресс-киинин эдкора.
keskil14.ru